ଲାଇବ୍ରେରୀ
ପ୍ରୋଫାଇଲ୍
ମିଛୁଆ
ମିଛୁଆ
1 min
188
ତୁ ଭଲ ଠକି ପାରୁ ବୋଲି
ସବୁ ସମ୍ପର୍କ ତୋ ପ୍ରେମର ନିଶାରେ
ବତୁରି ଯାଇଛନ୍ତି
ଡ଼ାହା ମିଛ ପ୍ରତିଶୃତି ଗୁଡ଼ିକୁ
ଗୋଛା ଗୋଛା ପ୍ରେମର ଖୁରାକ ଭାବି
ଆଗ ପଛ ଲକ୍ଷେ ସଲାମ ଠୋକୁଛନ୍ତି ।
ଖୁସି ତ ତୋ ଇସାରାରେ
ଗୋଟିଏ ଘରୁ ଅନ୍ୟ ଘରକୁ ବୁଲେ
ମନ ବି ବିନ୍ଦାସ୍ ଉଡ଼ିବୁଲେ
ରଙ୍ଗିନ ଚଷମା ପିନ୍ଧି ପ୍ରତ୍ୟେକ ରାତି
ସ୍ବପ୍ନ ଦେଖେ ମାଳମାଳ
ପକେଟ ଭରି ଯାଇଥିଲେ
ଦୁନିଆର ସବୁ ସୁଖ
ପାଖରେ ଥିବାପରି ଲାଗେ ।।
ଦୁଃଖୀର ରଙ୍କୁଣି ସବୁ ସମ୍ପର୍କର ସେତୁ
କେବେ ପୁଣି ବିପଦରେ
ପୋଛିଦେଉ କାହା ଆଖି ଲୁହ
ବାଷ୍ପିଳ କଣ୍ଠରେ ରାହା ଫୁଟିଯାଏ
ବଢ଼ିଯାଏ ସବୁଠାରେ ତୋର ମୋହ ।।
ଜୀବନର ସବୁ ଆଶା ଅଶୁମାରି
ବାସ୍ତବତାରେ ପରିଣତ କରିବାକୁ ଯାଇ
ଅଣ୍ଡାଳି ଦେଖିଲି ଦିନେ
ଏବେ ସବୁ ସମ୍ପର୍କ ମୋର l
ସ୍ନେହ ବୋଳା ମିଛ ମିଛ ଲାଗେ
ବହୁତ ଭାବିଲା ପରେ ଯାଣିଲି
ମୁଁ ଆଉ ମୋ ସବୁ ଆପଣାର ଲୋକ
ବିକ୍ରି ହୋଇଯାଇଛନ୍ତି ବୋଧହୁଏ
ଟଙ୍କାର ମୋହରେ ।।
