ମିଛ ମୁକୁତାର ଭ୍ରମ

ଜହ୍ନର ଦେହରେ କଳଙ୍କଟିଏ ମୁଁ

ଶୀତଳ ଚାନ୍ଦିନୀ ତୁମେ

ସକାଳ ଖରାରେ ତୁମକୁ ଖୋଜେ ମୁଁ

ମିଛ ମୁକୁତାର ଭ୍ରମେ I

ପାହାନ୍ତି ଆକାଶେ ତୋଫା ଦିଶ ତୁମେ

ଦୁଃଖ ହଜେ ମୋର ମନୁ

ଚିତ୍ରରେ ଚିତ୍ରରେ ବିଞ୍ଚିଦିଅ ତୁମେ

ପ୍ରୀତିର ପରାଗ ରେଣୁ I

ଖୋଜିଖୋଜି ମନ ଯାଚିିଦେଲି ଜହ୍ନ

ସପନ ଖୋଜିଲା ଆଖି

ହଜାରେ ସପନ ସାଉଁଟି ରଖିଛି

ଗୋଟେ ବି ପାରିନି ଦେଖି I

ମନ ଆଇନାରେ ଦିଶେ ତୁମ ଛବି

ସ୍ମୃତିରେ ଆସିଲେ ତୁମେ

ଆକାଶରେ ଜହ୍ନ ଆଖି ମାରୁଥାଏ

ମୁଁ ଭିଜଇ ତୁମ ପ୍ରେମେ I