ମିଛ ମାୟା ସଂସାରେ

ଲୋଭ ମୋହେ ବନ୍ଧା ମଣିଷ ଜୀବନ

    ମିଛ ଏ ମାୟା ସଂସାରେ

ଅଭିନୟ ପୁଣି  କେତେ ଯେ କରିବା

     ସଂସାର ରଙ୍ଗ ମଞ୍ଚରେ ।

କେବେ ହେବା ବାପା କେବେ ହେବା ଦାଦା

    କେବେ ବନ୍ଧୁ ସଖା ଭାଇ

ଏନ୍ତୁଡିଶାଳରୁ   କାହାଣୀ ଆରମ୍ଭ

   ଶେଷ ଯେ ମଶାଣୀ ଜୁଇ ।

କେବେ ହସାଇବା   ପୁଣି ହସୁଥିବା

   କେବେ କାନ୍ଦି କନ୍ଦାଇବା

ସ୍ନେହ ଶ୍ରଦ୍ଧା ପ୍ରେମ ମାଖି ଜୀବନରେ

      ସବୁ ଦୁଃଖକୁ ସହିବା ।

ଜୀବନର ଏଇ ରଙ୍ଗମଞ୍ଚ ମଧ୍ୟେ

     ନିର୍ଦ୍ଦେଶକ ନାରାୟଣ

ତାଙ୍କରି ବିନା ଯେ ଏ ରଙ୍ଗମଞ୍ଚରେ

     ତିଷ୍ଠିବାଟା ଅକାରଣ ।

ମିଛମାୟାର ଏ  ସଂସାର ଭିତରେ

    ଅଢେଇ ଦିନ କାହାଣୀ

ଲୋଭ ମୋହେ ପଢି ହେବା ନିତି ଘାଣ୍ଟି

     ବିଧିର ଏହି ଭିଆଣୀ ।