ମିଛ ଅଭିନୟ
ମିଛ ଅଭିନୟ
ବିଶ୍ଵ ରଙ୍ଗମଞ୍ଚେ ଲାଗିରହିଅଛି
ଯେତେ ଯେତେ ଅଭିଯାନ
ବୈଦିକ ଯୁଗରୁ ଏଯାବତ ପ୍ରାୟ
ଚାଲିଅଛି ଏକ ଯାନ l
ସେ ଯାନରେ ବସି ଶକୁନି ରଚିଲେ
ବିଶ୍ଵ ଇତିହାସେ ଜୟ
ଛଳନାରେ ବିଶ୍ଵ ଜିଣିବା ଶିଖିଛେ
କରି ମିଛ ଅଭିନୟ l
ନିଜ ସ୍ୱାର୍ଥ ପୁରା କରିବା ଆଶାରେ
ପାଦ ଧରିନେବା ଦିନେ
କାମ ଶେଷ ପରେ ଗୋଇଠା ଟେ ମାରି
ଚାଲିଯିବା ନିଜ କାମେ l
ସତ ତ ହଜିଛି ଏଇ ଦୁନିଆରୁ
କାୟା ମେଲାଏ ଛଳନା
ନାହିଁ ପରିବାର ନାହିଁ ଭାତୃପ୍ରେମ
ସ୍ୱାର୍ଥ ର ଉଡୁଛି ବାନା l
ଭାଇ ତଣ୍ଟି କାଟି ଭାଇ ର ଐଶ୍ଵର୍ଯ୍ୟ
ବାନା ଉଡେ ଫର ଫର
ମା ବୁଝୁନାହିଁ ସନ୍ତାନ ଯନ୍ତ୍ରଣା
ସନ୍ତାନ କରୁଛି ପର l
ଭାଇ ଭଉଣୀ ର ଅତୁଟ ବନ୍ଧନ
ଡୋରି ଯାଇଅଛି ଛିଡ଼ି
ମିଛ ଅଭିନୟେ ମଣିଷ ସଢୁଛି
ସତ୍ୟ ରେ ପଡିଛି ବେଡ଼ି l
ବିଶ୍ଵ ଶ୍ରେଷ୍ଠ ଜୀବ ହେ ମଣିଷ ଶୁଣ
ନିଜ ସ୍ୱାର୍ଥ ଯାଅ ଭୁଲି
ମିଛ ଅଭିନୟ ଚିରସ୍ଥାୟୀ ନୁହେଁ
ଦେଖିନିଅ ଆଖି ଖୋଲି l
ବିଶ୍ଵ ନିୟନ୍ତାଙ୍କ ହିସାବ ଖାତାରେ
ହିସାବ ରହୁଛି ଜାଣ
ବେଳ ଥାଉ ଥାଉ ଧର୍ମ କୁ ଆଦରି
ରଖିନିଅ ନିଜ ଟାଣ l