ଭାବରେ ଭଗବାନ
ଭାବରେ ଭଗବାନ
କଳାଠାକୁର ମୋ କାଳିଆ ସାଆନ୍ତ
ଖୋଲା ବେନି ନୟନ
ଚନ୍ଦ୍ର ସୂର୍ଯ୍ୟ ଦୁଇ ଶୋଭା ପାଉଛନ୍ତି
ଦେଖୁ ଅଛ ତ୍ରିଭୁବନ l
ଜୟ ଜଗନ୍ନାଥ ପ୍ରାଣର ପ୍ରତିମା
ତୁମେ ତ ଦାରୁ ଦେବତା
ତୁମ ଦୟା ହେଲେ ବୁଡ଼ି ଯାଏ ସୋଲ
ପଥର ବି କହେ କଥା l
ନମୋ ନାରାୟଣ ପତିତପାବନ
ବ୍ୟାପିଅଛ ଚରାଚର
ବରଷକେ ଥରେ ମଣ୍ଡପୁ ଆସୁଛ
ଦେଖିବ ଦୁଃଖ ଦୁଃଖୀର l
ପ୍ରତି ପ୍ରାଣେ ତୁମେ ଆହେ ଦୟାମୟ
ଘଟେ ଘଟେ ପୁରିଅଛ
ମାୟା ଦଉଡ଼ିରେ ଟାଣୁଛ ଜଗତ
ଭକ୍ତ ଜନେ ଉଦ୍ଧରିଛ l
କୋଟି ଓଡ଼ିଆର ମଉଡମଣୀ ତ
ପ୍ରତି ପ୍ରାଣର ସ୍ପନ୍ଦନ
ଯେଉଁ ଦେଶେ ଯାଏ ତୁମ ଭକ୍ତ ଟିଏ
ସେଇଠି ତୁମ ଜୀବନ l
ଜାତି ଇତିହାସେ ଅମର ଅକ୍ଷରେ
ତୁମ ନାମ ଲେଖିବାକୁ
ତୁମ ଭକ୍ତଶ୍ରେଷ୍ଠ ଟାଣେ ନନ୍ଦିଘୋଷ
ଭୁଲି ସେ ଜାତି ଭେଦକୁ l
ଯେଉଁଠି ପଡିବ ତୁମ ପଦଚିହ୍ନ
ସେ ଜାତି ସ୍ୱର୍ଗ ଲଭିବ
ବିଶ୍ଵଦରବାରେ ତୁମ ନନ୍ଦିଘୋଷ
ଚିରକାଳ ଗଡୁଥିବ l
ଓଡିଶା ଗୌରବ ତୁମ ରଥଯାତ୍ରା
ବିଶ୍ୱ ବିଜୟୀ ହୋଇବ
ଉତ୍କଳ ମାଟିର ଖ୍ୟାତି ଯଶବାନା
ଵ୍ରହ୍ମାଣ୍ଡେ ବିଦିତ ହେବ l