ମହିଷାମର୍ଦୀନୀ
ମହିଷାମର୍ଦୀନୀ
1 min
229
ମହିଷକୁ ମାରି ତୁହି ମହିଷାମର୍ଦିନୀ
ଦୁଃଖନାଶ କରୁତୁହି ଦୁଃଖ ବିନାଶିନୀ
ଶୁଭ୍ର ଚାମର ଵ୍ୟଜନ କରେ କାଶତଣ୍ଡୀ
ଅଭୟଦାୟିନୀ ପୁଣି ଶକ୍ତି ସ୍ଵରୂପିଣୀ ।
ମା ଜଗଦମ୍ବା ତୁହି ଅଟୁ ବିଶ୍ଵମୂର୍ତ୍ତି
ଅସ୍ତ୍ରଶସ୍ତ୍ର ଦେବାଦେବୀ କରିଦେଲେ ଭର୍ତ୍ତି
ଦଶଭୁଜ ବୋଲି ତୋର ତୁହି ଦଶଭୁଜା
କରୋନା ଭୁତାଣୁ ଆସି କରି ଦେଲା ଗେଜା ।
ଶାନ୍ତକାନ୍ତ କୋମଳାଙ୍ଗୀ ପୁଣି ଉଗ୍ରରୂପ
ମଙ୍ଗଳକାରିଣୀ କରୁ ମଙ୍ଗଳ ଅନେକ
ମହାମାରୀ ଯୋଗୁଁ ଆମେ ଭୋଗଛୁ ତ ଦୁଃଖ
ମାଆ ତବ ତ୍ରିନେତ୍ରରେ ତାକୁ ଆଗେ ଦେଖ।
ଖଣ୍ଡା ଖର୍ପର ଧାରିଣୀ ଅମ୍ବିକା ତ ନାମ
ସ୍ଵଚ୍ଛ ଶରତ ଋତୁରେ ତୁମ ଆଗମନ
ଦୁଷ୍ଟଜନ ଦୁଷ୍କର୍ମରୁ ନାଚେ ମହାମାରୀ
ଦୁଷ୍ଟ ନିବାରଣ କରି ଘଉଡାଅ ଅରୀ
ଯୋଡହସ୍ତେ ମଥାନଇଁ କରୁଛୁ ଗୁହାରି ।