ମହାଯୋଗୀ

ଶୀତର ପରଶେ 

ଆକାଶୁ ପିୟୁଷ 

ପଡିଲା ଝରି

ଦୁର୍ବାଦଳ ପରେ

ଝଲମଲ କରେ

ଅରୁଣ ରାଗରେ ଭିଜି l

ସେଇ ଲଗନରେ

ମଗନ ବେଳାରେ

ତତେ ମୁଁ ଦେଖିଲି ସଖୀ

ତୋ'ର ମୋହିନୀ ରୂପରେ

ମନ ମୋହିନେଲୁ 

ହଜିଲା ମୋହର ସ୍ଥିତି l

ଲଗନ ସରିଲା 

ମଗନ ତୁଟିଲା 

ରଚିଲୁ ତୁ କେଉଁ ମାୟା

ସେଇ ମାୟା ଲୋଭେ

ଘୁରି ଘୁରି ସଖୀ 

ଖୋଜୁଅଛି ମୁହିଁ

ତୋ ମନ ଗହନ କଥା l

ସେଇ ଦିନୁ ସଖୀ

ଯାହା ଥିଲି ମୁହିଁ

ଏବେ ଆଉ ତାହା ନାହିଁ

ଜାଣିଥା ଗୋ ସଖୀ 

ତୋ ପାଇଁ ମୁହିଁ

ସହସ୍ର ବରଷ 

ଜପତପ କରି

ମହାଯୋଗୀ ହୋଇଯିବି l