Library
Profile
ମହାଦ୍ରୁମ
ମହାଦ୍ରୁମ
ଜୀବନ କାଳରେ ମଣିଷ କୋଳରେ
ଘାସ ହୁଏ ମହାଦ୍ରୁମ
ଅଞ୍ଚଳେ ମାଆର ଶାସନ ପିତାଙ୍କର
ଭଲମଣିଷ ପାଇଁ ଶ୍ରମ
ମଣିଷ ଜୀବନ ଅଢେଇ ଦିନ ଅକ୍ଷର
ଗୁଳ୍ମରୁ ହୁଏ ଦ୍ରୁମ କରି କର୍ମ
ଭଗବାନଙ୍କ ମହିମା ନଥିଲେ କୋଉଠୁ
ଫଳିବ ଜୀବନେ ଧର୍ମ
ସାଧୁ ସନ୍ଥ ସନ୍ୟାସୀ ମଧ୍ୟେ ଜଗନ୍ନାଥ
ସୃଷ୍ଟିରେ ସେ ସର୍ବୋତ୍ତମ
ଅଢେଇ ଦିନର ବଡେଇ ରହିନି କାହାର
ବାନ୍ଧିନେବେ କାଳ ଯମ
ବହି ଲେଖିଦେଲେ ବିହି କର୍ମ ଫଳ ଫଳେ
ଦଶଅବତାରେ ଅବତରୀ ରାମଜନ୍ମ
କଷଣ ଭୀଷଣ ପୁଣି ମାନ ଅପମାନ ସାଥେ
ପାପ ପୁଣ୍ୟ ଧର୍ମ
କିସ ନେଇ ମହୀରୁ ଯିବ ମନୁଷ୍ୟ ଦେହି
ତୁଚ୍ଛା ଏଇ ଧରାଧାମ
ରାମ, ଶ୍ରୀକୃଷ୍ଣ ଜଗନାଥ କଳ୍କୀ ରୂପେ
ଧରାରେ ହୋଇ ଜନ୍ମ
ଜୀବନର ମହାଦ୍ରୁମ ବଢ଼ାବନ୍ତି ଇଶ୍ୱର
ମଣିଷ ତୁଚ୍ଛ ନରାଧାମ
ଇଶ୍ୱର ଅଟନ୍ତି ସର୍ବଶ୍ରେଷ୍ଠ ପିତା ମାତା ସୋଦର
ବଢୁଥାନ୍ତି ତାଙ୍କ ଛାଇ ତଳେ ଗୁଳ୍ମ
ମଣିଷ ଛାର ବୁଝୁନି ଇଶ୍ୱର ନେବେ ଦେହ
ନଶ୍ୱର ଦେହର ଗର୍ବ ଅଂହକାର ଭ୍ରମ
ମଣିଷ ଜୀବନେ ଗୃହସ୍ଥ ଆଶ୍ରମ ସନ୍ୟାସ
ସବୁ ବୋଧିଦ୍ରୁମଙ୍କ ଦାନ ପୁଣ୍ୟ
ଏକାନ୍ତ ସାତ୍ତ୍ୱିକ ମାର୍ଗଦର୍ଶକ ଜଗନ୍ନାଥ ପିତାମହ
ସେହି ବୋଧିଦ୍ରୁମ ମହାଦ୍ରୁମ ।
