ମହାବିଦ୍ୟା ଦେବୀ ଧୂମାବତୀ

  

ଜୟ ମା ବୈଧବୀ ମାଆ ମହାଦେବୀ

    ଧିମ୍ରବର୍ଣ୍ଣା ଧୂମାବତୀ l

ଧୂମ୍ରଲୋଚନକୁ ସଂହାର କଲୁ ଲୋ 

    ଧୂମ୍ରକୁଣ୍ଡେ ହେଲୁ ସତୀ ll

ଜୟ ମା ବିବର୍ଣ୍ଣା ମାଆଲୋ ଅପର୍ଣ୍ଣା

    ଅନ୍ନପୂର୍ଣ୍ଣା ମାହେଶ୍ୱରୀ l

ଭବାନୀ ଗୋଉରୀ ଶଙ୍କରୀ ଇଶ୍ୱରୀ

   ସଦାଶିବ ମନୋହାରୀ ll

ଜୟ ମା ଶୈଳଜା ଶିବାନୀ ଗିରିଜା

    ମାଆ ଅତି ଦୟାବତୀ l

ଜୟ ଲୋଳସ୍ତନୀ ମା ଶୁଭ୍ର ବସନୀ

    ଶୁଭ୍ରାନନୀ ମହାସତୀ ll

ସଂସାରବିର

Advertisement

ାଗୀ ମାଆ ଲୋ ସୁଭାଙ୍ଗୀ

    ସଂସାର ତେଜିଲୁ ତୁହି l

ସଂସାର କଲ୍ୟାଣୀ ମାଆ ତୁ ଜନନୀ

    ଜୟ ମା କଲ୍ୟାଣମୟୀ ll

ବିବର୍ଣ୍ଣ କୁନ୍ତଳୀ ମାଆ ଲୋ କଙ୍କାଳୀ 

    ହସ୍ତେ ତୋର ଜପାମାଳୀ l

ଅଳପେ କଳାପୀ ମାଆ ବିଶ୍ଵ ରୂପୀ

   ବାସ ତୋ ଧୂମ୍ରକୁଣ୍ଡଳୀ ll

ହସ୍ତେ ଶୋଭା ତୋର ସୁବର୍ଣ୍ଣ କୁଲେଇ

   ଜୟ ମା ମୋକ୍ଷଦାୟିନୀ l

ଜଗତ କଲ୍ୟାଣୀ, ବାୟସ ବାହାନୀ 

   ନମସ୍ତୁତେ ନାରାୟଣୀ ll