ଜୟ ମାଆ ମନ୍ଦାର ମାଳିନୀ

ଜୟ ଜୟ ମାଆ ମନ୍ଦାର ମାଳିନୀ l

ମନ୍ଦହାସିନୀ ମା ବିନ୍ଧ୍ୟନିବାସିନୀ ll 

ତୁହି ମା' ତାରିଣୀ ବିଘ୍ନ ବିନାସିନୀ l

ମଙ୍ଗଳମୟୀ ମା' ଶଙ୍କର ଘରଣୀ ll 

ମୋହିନୀରୂପରେ ଦୟିତ ମୋହିଲୁ l

ମହାମାୟୀ ମାଲୋ ମହିଷା ବଧିଲୁ ll 

ଦୁର୍ଗମକାଳରେ ଦେବ କଲେ ସ୍ତୁତି l

ଦୁର୍ଗା ରୂପେ ମାଆ ନାଶିଲୁ ଦୁର୍ଗତି ll 

ତୁହି ମା' କାଳିକା ଅମ୍ବିକା ଗଉରୀ l

ଉମା କାତ୍ୟାୟନୀ ପରମଇଶ୍ୱରୀ ll 

ମଙ୍ଗଳମୟୀ ମା' ଜନନୀ ମଙ୍ଗଳା l 

ସୁମରଣେ ମାଆ ସର୍ଵ କଷ୍ଟ ଗଲା ll 

ମଙ୍ଗଳ କାରିଣୀ ମାଆ ଦୟାମୟୀ l

ନାମରେ ଦୁରିତ ଦୂରେ ଥାଏ ରହି ll 

ଶାରଳା, ବିମଳା, ମାଆ ବିରଜାଇ l

ଲୀଳାକରୁ ମାଆ ବହୁ ରୂପେ ରହି ll 

ଲୀଳା ବର୍ଣ୍ଣିବାକୁ କାହିଁ ମୋର ବୁଦ୍ଧି l

ବିଦ୍ୟାବୁଦ୍ଧି ମାଆ ଦେଉ ସର୍ଵ ସିଦ୍ଧି ll

ଦୟାସାଗରୀ ମା ଜଗତ କଲ୍ୟାଣୀ l

ନମସ୍ତତେ, ନମସ୍ତୁତେ, ନାରାୟଣୀ ll