ନମସ୍ତେ ପ୍ରଭୁ ବିଘ୍ନରାଜା

ନମସ୍ତେ ପ୍ରଭୁ ବିଘ୍ନରାଜା l

  ବିଦ୍ୟା ଆରମ୍ଭେ ତୁମ୍ଭ ପୂଜା ll 

ନମସ୍ତେ ପ୍ରଭୁ ଗଣପତି l

   ମାତା ତୁମ୍ଭର ପାରବତୀ ll

ନମସ୍ତେ ପ୍ରଭୁ ଗଜାନନ l

   ପିତା ତୁମ୍ଭର ତ୍ରିଲୋଚନ ll

ନମସ୍ତେ ପ୍ରଭୁ ମହାକାୟ l

   ଭ୍ରାତା ତୁମ୍ଭର କାର୍ତ୍ତିକେୟ ll

ନମସ୍ତେ ପ୍ରଭୁ ଆଦିଦେବ l

    ରିଦ୍ଧି ସିଦ୍ଧିଙ୍କ ତୁମ୍ଭେ ଧବ ll 

ନମସ୍ତେ ପ୍ରଭୁ ଏକଦନ୍ତ l

     ବାହନ ତୁମ୍ଭର ମୂଷିକ ll 

ନମସ୍ତେ ପ୍ରଭୁ ଲମ୍ବୋଦର l

  ପାଶ ଅଙ୍କୁଶ ଶୋଭେ କର ll 

ନମସ୍ତେ ପ୍ରଭୁ ବିଦ୍ୟାଦାତା l

   ସ୍କନ୍ଧରେ ଉତ୍ତରୀ ପଇତା ll 

ନମସ୍ତେ ପ୍ରଭୁ ବକ୍ରତୁଣ୍ଡ l

Advertisement

p>

    ବିଦ୍ୟାବାରିଧି ଗଜମୁଣ୍ଡ ll

ନମସ୍ତେ ପ୍ରଭୁ ବିନାୟକ l

    ସମସ୍ତ ବିଦ୍ୟା ପ୍ରଦାୟକ ll

ନମସ୍ତେ ନମସ୍ତେ ବିଘ୍ନେଶ l

   ବିଘ୍ନ ହରତା ଶ୍ରୀଗଣେଶ ll 

ନମସ୍ତେ ପ୍ରଭୁ ଅଗ୍ରପୂଜ୍ୟ l

  ପ୍ରଭା ଗଞ୍ଜଇ କୋଟି ସୂର୍ଯ୍ୟ ll 

ନମସ୍ତେ ଦେବଙ୍କ ନାୟକ l

 ହେରମ୍ଭ ନାମ ତୋ ଅନେକ ll 

ନମସ୍ତେ ଗୋଉରୀ ନନ୍ଦନ l

  ତୋତେ ବନ୍ଦିଲି ଭଗବାନ ll

ନମସ୍ତେ ସର୍ଵ ସିଦ୍ଧି ଦାତା l

  ଆଶିଷେ ମୂକ କହେ କଥା ll 

ବନ୍ଦଇ ଚରଣ ତୋହର l

  ନାଶ ମୋ ଅବିଦ୍ୟା ଅନ୍ଧାର ll 

ନମସ୍ତେ ପ୍ରଭୁ ବିଦ୍ୟାପତି l

   ଚରଣେ ତୋହର ପ୍ରଣତି ll