ମହାବିଦ୍ୟା ଭୁବନେଶ୍ୱରୀ

ଜୟ ମା ଇଶ୍ୱରୀ ମା ଭୁବନେଶ୍ୱରୀ

    ଜଗତ ଈଶ୍ୱରୀ ତୁହି l

ଜୟ ମା ଜନନୀ କାଞ୍ଚନ ବରଣୀ 

   ଭଗବତୀ ମହାମାୟୀ ll

ସୁନ୍ଦରୀ ସୁମୁଖି ମାଆ ବାରିଜାକ୍ଷୀ

   ବାଳାର୍କ କାନ୍ତି ପ୍ରକାଶି l

ମସ୍ତକେ କିରୀଟ ଦିଶେ ଝଟ ଝଟ 

    ବିରାଜଇ ଅର୍ଦ୍ଧ ଶଶି ll

ଗୁଞ୍ଜ ଫଳମାଳା ରୁଞ୍ଜ ତୋର ଗଳା 

   ଜୟ ମାଆ ବିମ୍ବାଧରୀ l

ସହାସ୍ୟ ବଦନୀ ଦେବୀ ବରାନନୀ

   ତୁହି ମା ଏକା ସୁନ୍ଦରୀ ll

ବିଶାଳ ନୟନୀ ମାଆ ପଦ୍ମାସନୀ

    ପଦ୍ମିନୀ ପଦ୍ମା ବରଦା l

ସୁଖ ପ୍ରଦାୟିନୀ ଜୟ ମା କଲ୍ୟାଣୀ 

    ଜୟ ମାଆ ପଦ୍ମଗନ୍ଧା ll

ଜୟ ବରହସ୍ତା ବରଦା ଲୋ ମାତା

    ଭକ୍ତଜନେ ସଦା ଦୟା l

ଆଶୀର୍ହସ୍ତେ କୁମ୍ଭ ପୁସ୍ତକ ଶୋଭଇ 

   ଦୟାମୟୀ ହେବୁ ସାହା ll

ଐଶ୍ୱର୍ଯ୍ୟ ଦାୟିନୀ ମାଆ ବିଘ୍ନସେନୀ

   ତୋତେ ମାଆ ପୂଜାକରି l

ଅଜ୍ଞାନୀ, ବିଜ୍ଞାନୀ, ଦରିଦ୍ର, ନିର୍ଦ୍ଧନୀ 

    ଲଭିଥାନ୍ତି ସର୍ବ ଶିରି ll

ଜୟ ଗିରି ନନ୍ଦିନୀ ମହିଷା ମର୍ଦ୍ଦିନୀ 

   ନମଃ ନମଃ ନନ୍ଦିନୃତେ l

ତୋ ପଦେ ବନ୍ଦଇ ମାଆ ଦୟାମୟୀ 

  ନାରାୟଣୀ ନମସ୍ତୁତେ ll