ମହା ଶିବରାତ୍ରୀ
ମହା ଶିବରାତ୍ରୀ
ହିନ୍ଦୁ ପର୍ବ ଅଟେ ଶିବ ପୂଜାଟି
ଫାଲଗୁନ ଚତୁର୍ଦ୍ଦଶୀ ଦିନ ପାଳନ୍ତି
ପୁଣି କୃଷ୍ଣପକ୍ଷ ସୋମବାରରେ
ସଂସାର ପ୍ରକଟେ ବିଶ୍ୱାସ ଭରେ ।
ଦେବଦେବ ମହାଦେବଙ୍କ ଦ୍ଵାରା
ପିତାମହ ଭୀଷ୍ମ ଥାଇଣ ଭରା
ଶରଶଯ୍ୟା ହେଲେ ଛାଡିଣ ଆଶା
ଧର୍ମ ଉପଦେଶ ବୋଲଣା ଭାଷା ।
ମହା ଶିବରାତ୍ରୀ ପାଳନ ଲକ୍ଷ
ଇକ୍ଷାକୁ ବଂଶର ଚିତ୍ରଭାନୁଂକ
କାହାଣୀ ରହିଛି ଉଦ୍ଧରିବାର
ଶିବ ଉପାସନା ପାଇଁ ତତ୍ପର ।
ଅଟଇ ଶ୍ରେଷ୍ଠ ସୋମବାର ଉତ୍କୃଷ୍ଟ
ଚାରୋଟି ପ୍ରହରେ ସମ୍ପନ୍ନ ପୃଷ୍ଠ
ଶିବରାତ୍ରି ବେଳା ତିନି ଘଟିକା
ରହିଛି ଏହାର ଆଦର୍ଶ ଟୀକା ।
ରାତ୍ରର ପ୍ରତିଟି ପ୍ରହର ବେଳା
ସେବି ଶିବଲିଙ୍ଗକୁ କରିଣ ମେଳା
ପ୍ରଦାନ କରାଇ ପୁଷ୍ପ,ପତ୍ର ଫଳକୁ
ଦୁଦୁରା, ଅରଖ ଆଦି ଫୁଲକୁ ।
କେତକୀ ଫୁଲକୁ ଶିବ ଉପରେ
ଚଢ଼ାଇଣ ବିଧି ପୂର୍ଣ୍ଣ ମାତ୍ରାରେ
ହିନ୍ଦୁ ନରନାରୀ ଶୁଦ୍ଧପୂତ ଭାବରେ
ଉପବାସ ଅଖଣ୍ଡ ଦୀପଦାନରେ ।
ଜାଳି ରାତ୍ରି ଉଜାଗର ରହି ବ୍ରତରେ
ମନ ଶାନ୍ତି କରନ୍ତି ଏହି ପୂଜାରେ
ଜାଗର ଓଷା ବା ଜାଗର ବ୍ରତ
ବୋଲିଣ ବୋଲାଇ ହୁଅନ୍ତି ପବିତ୍ର ।
ଅଖଣ୍ଡ ସଜାଗତା ପାଇଁ ତତ୍ପର
ଜ୍ଞାନର ଆଲୋକ ଭରା ସଂସାର
ଏଇ ପର୍ବ ଶିକ୍ଷା ଦିଏ ଜାଗ୍ରତ
ଆତ୍ମକଲ୍ୟାଣ ରୂପେ ହୋଇ ଆଦୃତ ।
ମଝିରାତିକୁ ସର୍ବେ ଯାଇ ପାଖକୁ
ଶିଖରେ ଚଢ଼ାନ୍ତି ମହାଦୀପକୁ
ଦର୍ଶନ କରନ୍ତି ଶିବ ଭକ୍ତୁଳ
ଆନନ୍ଦ ହୁଅନ୍ତି ଭାବେ ବିହ୍ଵଳ ।
ପରଦିନ ସ୍ନାନ ସମାପ୍ତି କରି
ଉପବାସ ଭଙ୍ଗ ହୁଅନ୍ତି ଫେରି
ଏହି ଦିନ ବହୁ ଶ୍ରଦ୍ଧାଳୁ ଆସି
ଏକତ୍ରିତ ହୋଇ ବ୍ରତ ପାଳନ୍ତି ।