ମେଘର ଋତୁରେ ପ୍ରିୟାର ରଙ୍ଗ
ମେଘର ଋତୁରେ ପ୍ରିୟାର ରଙ୍ଗ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ପହିଲି ମେଘର
ପହିଲି ଛୁଆଁ ରେ
ଦୂରେଇ ଯାଅନା ପ୍ରିୟା,
ତୁମ ରୂପ ଦେଖି
ମନ ଯାଏ ଲାଖି
ଦଣ୍ତିଏ ହୁଅନା ଠିଆ ।
ଲୋଟଣି ଖେଳୁଛି
ମେଘର ବଉଦ
ମାଡ଼ି ଆସୁଅଛି ରାତି,
ତୁମ କଥା ଭାବି
ଅଳକା ନନ୍ଦା ଗୋ
ମୋ ମନେ ଜାଗୁଛି ପ୍ରୀତି।
ଆଖି ବୁଜି ଦେଲେ
ଦେଖା ଯାଉ ଅଛି
ତୁମ ସେଇ ଗୋରା ମୁହଁ,
ତୁମରି ସୁବାସେ
ମହକି ଉଠୁଛି
ଏଇ ମୋର ମନ ଦେହ।
ତୁମେ ତ ଜାଣନା
ତୁମ ଅଜାଣତେ
କେତେ ଯେ ମୁଁ ଭଲପାଏ,
ବରଷା ରାତିରେ
ଜହ୍ନ ଜହ୍ନ ହୋଇ
ତୁମକୁ ହିଁ ଖୋଜୁଥାଏ।