ମେଘନାଦ ପାଚେରୀ

ନୀଳାଚଳ ବାସୀ ନୀଳାଚଳିଆ 

ପ୍ରଭୁ ଭାବଗ୍ରାହୀ ଜଗା କାଳିଆ 

ନୀଳ କନ୍ଦରରେ ରହିଛ ତୁମେ 

ଷାଠିଏ ପଉଟି ଭୁଞ୍ଜୁଛ ତୁମେ ||

ବରୁଣ କନ୍ୟା କୁ କରି ବିବାହ 

ମନରେ ତୁମର ରଖିଲ କୋହ 

ସମୁଦ୍ର ଗର୍ଜନ ଶବଦ କାନେ 

ବାର ବାର ଶୁଭେ ଅସ୍ଥିର ମନେ ||

ବଡ ଦେଉଳରେ ସୁଖ ନିଦ୍ରା ପାଇଁ 

ସୁରକ୍ଷା ବଳୟ ରଚିଲସାଇଁ

ସେ ପାଇଁ ତୋଳିଲ ବଡ଼ ପ୍ରାଚୀର 

ମେଘନାଦ ହେଲା ନାମଟି ତାର ||

ଦୁଇଟି ଘେରାରେ ତିଆରି ହେଲା 

କୁର୍ମ ମେଘନାଦ ନାମ ବହିଲା 

ଚାରି ଦିଗେ ଶୋଭେ ଚାରୋଟି ଦ୍ୱାର 

ସିଂହ ବାଘ ହସ୍ତୀ ଅଶ୍ୱ ପ୍ରାଣୀର ||

ବଡ଼ ଦେଉଳର ସୁରକ୍ଷା ବଳୟ 

ଇତିହାସ ଲେଖେ ତାର ବିଜୟ

ଶ୍ୱଶୁରଙ୍କ ମାନ ମହତ ଲାଗି 

ପ୍ରଭାତରେ ହୁଏ ଆଳତୀ ଲାଗି ||

ଗୁରୁଜନେ ଦେଇ ମାନ ସମ୍ମାନ 

ରଖିଲେ ପ୍ରଭୁ ଯେ ତାଙ୍କରି ମାନ 

ଜଗନ୍ନାଥ ବିନା ନାହିଁ ଗତି ମୁକ୍ତି 

ମେଘନାଦ ଅଟେ ତାଙ୍କରି ଶକ୍ତି ||