ମେଘ ତୁମେ

ଯେବେ ଯେଉଁ ଆଡେ ଚାହିଁ ଦେଖୁଛି ମୁଁ

ତୁମେ ହିଁ ତୁମେ ତ ଦିଶୁଛ।

ଖୋଲା ଆକାଶ ର ଚଲା ପବନ ରେ

ମଧୁର ମଧୁର ହସୁଛ ।

ନିଦୁଆ ନିଦୁଆ ମେଘୁଆ ଆକାଶ

ଉଲୁରା କଅଁଳ କିରଣ ରୁ,

ଓଢଣୀକୁ ତୁମେ ଓଠରେ ଦବେଇ

ଲାଜେଇ ଲାଜେଇ ଚାହୁଁଛ ।

ଝିପି-ଝିପି ମେଘ ଟିପି-ଟିପି ପାଣି

ସତେକି ପୀରତି ଗୀତି

ତୁନି ତୁନି ତୁମେ ତୁମ ମନ କଥା

କାନେ କାନେ ମୋର କହୁଛ ।

କୋହଲା କୋହଲା ଚହଲା ପବନ

ହଲେଇ ଦେଉଛି ହିଆ

ମହୁଲିଆ ଛୁଆଁ ଛୁଏଁଇଁ ଛୁଏଁଇଁ

ଛାତି ଥରେଇ ଦେଉଛ ।

ଆକାଶକୁ ଚାହିଁ ଆଖି ମୁଦି ମୁଦି

ମେଘ ମୁହାଁ ହୋଇ ଯେବେ

ପିଉଥିଲି ତୁମ ଅଧର ର ଛୁଆଁ

ତୁମେ ଛିଟିକି ଯାଉଛ ।