ମଧୁକରର ମଧୁପ୍ରେମ

ଅଳି ପ୍ରଭାତେ କରେ ଅଳି କଳି ପାଶେ

ଦିଅ ମାଗେ ମୁହିଁ ଏକ ଚିଜ ହରଷେ l

କିସ ଦେବି କୁହ ଅଳିବର ତ୍ୱରିତେ

ନାହି କିଛି ମୋ ପାଶେ ଅଛି ମୁଁ ବିବ୍ରତେ l

ଅଛି କଳିଜେମା ସବୁ କିଛି ତୁମ ପାଶେ

କାହିଁକି ହଉଛ ଅରାଜି କାନ୍ଦି ହତାଶେ l

କଳି କହେ ବିଷାଦେ ମୁଁତ ଆଜି ନିବୁଜ

କାଲି ସକାଳେ ଖୋଲିବ ମୋ ଅନ୍ତଚିଜ l

ନାଲି ପାଖୁଡ଼ାର ରକ୍ତିମ ଶୋଭା ଚମକି

କେଶର ପୂର୍ଣ୍ଣ କରିବ ମୋ ଉଦରେ ଝଟକି l

ପୁଷ୍ପ ମଧୁ ଭରା ହୋଇବ ମୋର ଗାତର

ପିଇବ ତୁମେ ପେଟ ଭରି ନହୋଇ କାତର l

କାକର ଅଇରୀ କରୁଛି ମୋତେ ହୀନମାନ

ଚାହଁରହିଛି ରବି କରେ ଲଭିବାକୁ ତାପମାନ l

ଓଦା ମୋର ଏକ୍ଷଣି ପାଖୁଡ଼ା ଡେମ୍ଫ ସୁମନ

ଶୁଖି ନାହି ଜମା ଲାଗିଯିବ ସମ୍ପୂର୍ଣ୍ଣ ଏକ ଦିନ l

ରବି କର ଛୁଆଁରେ ହେବ ହଳଦୀ ଗୁରୁ ଗୁରୁ

ମୋ ପାଖୁଡ଼ା କୋମଳ କିରଣେ ଦିଶି ସୁଚାରୁ l

ଠିକ୍ କହିଲ ପ୍ରାଣପ୍ରିୟା କଳି ଯାଉଛି ମୁଁ ଚାଲି

ଆସିବି ପୁଣି ଉଡ଼ି କାଲି ପିଇବାକୁ ମଧୁ ଖାଲି l

ଉଡ଼ିଗଲା ଅଳି ସୂର୍ଯ୍ୟମୁଖୀ ପାଶୁ ଧିମି ଧିମି

ଶୁଣ୍ଢ ଟିକେ ରକ୍ତିମ ଗୋଲାପେ ଚୁମି ଚୁମି l