ମଧୁ ନିଶା

ଧରା ଦେଲେ କାଳେ 

ଆବେଶ ତୁଟିବ 

ହଜିଯିବ ମଧୁ ନିଶା

ମିଳନ ଝାସରେ 

ମଉଳି କି ଯିବ

ପ୍ରେମର ଉଷୁମ ତୃଷା l

ସେଇ ଭୟେ ସହୀ 

ଦୂରେ କି ରହୁଛୁ

ଦୂରରୁ ମାରୁଛୁ ମୋତେ

ଫୁଲଶର ଜାଳେ 

ନିତି ଜାଳୁଅଛୁ

ମାୟାରେ ମୋହୁଛୁ କେତେ l

ଜାଣିକି ପାରୁନୁ ତୁ 

ଶ୍ରାବଣୀର ଧାରା

ମୁଁ ଚାତକ ରହିଛି ଚାହିଁ

କେବେ ତୁ ଢାଳିବୁ 

ତୋ ଅନ୍ତର ସୁଧା

ଉଦ୍ଧାର ଲଭିବି ମୁହିଁ l

ନୁହେଁ ଆଗୋ ରାଣୀ 

ମିଳନ ରାଗିଣୀ

ପ୍ରେମର ଯେ ଶେଷ ଶିଖା 

ଧରାଦେଲେ କୋଳେ 

ସରିବନି ଜମା

ରାସରସ ମିଠା ଚଖା l

ଆସିବୁ ଗୋ ସହୀ 

ହଜିଯିବା ଆମେ

ଗହନ ଅନ୍ଧାରେ ବାନ୍ଧିବା ବସା 

ଧରା ଦେଲେ କାଳେ 

ଆବେଶ ତୁଟିବ 

ହଜିଯିବ ମଧୁ ନିଶା l

*****