ମାଟି ମୋ ଜୀବନ

ମାଆ ମୋ ବିରଜା ମାଟି ମୋ ଜୀବନ

ମାଟି ମୋର ପରିଚୟ

ମୋ ଦେଶ ମାତୃକା ପୁଣ୍ୟ ତୀର୍ଥକ୍ଷେତ୍ର

ସୁସାହିତ୍ୟ ସେବା ଧ୍ୟେୟ

ସତ୍ୟର ହେଉ ଜୟ

ସବୁଜ ସୁନ୍ଦର ସୁଫଳା ମୋ ମାଟି

ଓଡ଼ିଆ ମୁଁ ଭାରତୀୟ ।

ମହକେ ମୋ ମାଟି ଅଗୁରୁ ଚନ୍ଦନ

ବହଇ ନଦୀ ନିର୍ଝର

ହସଇ ମାଟିରେ ସୁନାର ଫସଲ

ଫଳମୂଳ ସୁମଧୁର

ଉଁଏ ସୂର୍ଯ୍ୟ ରୂପାଜହ୍ନ

ଝଲସାଏ ସ୍ୱପ୍ନ ରଜନୀରେ ଜ୍ୟୋତ୍ସ୍ନା

ସୁନେଲି କିରଣ ରଙ୍ଗ ।

ବାସେ ମହମହ ରଙ୍ଗ ରସ ରୂପ

ବାରମାସେ ପର୍ବ ତେର

ପରବ ପର୍ବାଣୀ କେତେ ଯାନିଯାତ

ଭରେ ଆନନ୍ଦ ଉତ୍ସାହ

ସରଳ ସ୍ୱଭାବ ଗୁଣେ

ଚଳୁ ମିଳିମିଶି ଆମେ ଦେଶବାସୀ

ଏକମନ ଏକ ପ୍ରାଣେ ।

ହେଉ ପୁଲକିତ ଜନମନ ହର୍ଷ

କୁସୁମିତ ହେଉ ପଥ

ଚଳୁ ବଡ଼ଦାଣ୍ଡେ ଜାତି ନନ୍ଦିଘୋଷ

ଉଡୁ ଫରଫର ନେତ

ଲକ୍ଷ୍ୟ ହେଉ ସୁନିଶ୍ଚିତ

ହେଉ ବିଶ୍ୱଗୁରୁ ମହାନ ଭାରତ

ବିତରୁ ଜ୍ଞାନ ଆଲୋକ ।