ମାଟି ଘର
ମାଟି ଘର
ଏଇ ମାଟି ଘର
ମୋ ପାଇଁ
ଶ୍ରୀମନ୍ଦିର।
ମୋ ମା ହାତ ରନ୍ଧା
ମୋ ପାଇଁ
ପୁରୀ ଅବଢ଼ା ।
ମୋ ବାପା ମା
ମୋ ପାଇଁ
ଚଳନ୍ତି ଦେବତା ।
ପାଦ ଛୁଇଁ ଦେଲେ
କଟିଯାଏ
ସବୁ ଦୁଃଖ ଦୁର୍ଦ୍ଦଶା ।
ଏଇ ମାଟି ଘରେ ଅଛି
ଯେତେ ସବୁ ସେନେହ ଶରଧା ।
ମାଟି ଘର ଦାଣ୍ଡ ଅଗଣା
ବୋଉ ହାତେ ଅଙ୍କା ଝୋଟି ଚିତା
ଦେଖିବାକୁ ଭାରି ମନ ଲୋଭା ।
ଏଇ ମାଟି ଘର କେତେ ଯେ,
ପୂର୍ବ ପୁରୁଷ ଙ୍କ ଏନ୍ତୁଡ଼ _ଶାଳ ।
ଏଇଠୁ ସୃଷ୍ଟ କେତେ ଯେ ବର ପୁତ୍ର
ଇତିହାସ ପୃଷ୍ଠାରେ ଲିପିବଦ୍ଧ ତାଙ୍କ ନାମ ।
ମାଟି ଘର କଥା ଯେବେ ମନେ ଆସେ
ଲାଜେ ନଇଁ ଯାଏ ଆମ ମଥା
ସତେ କି ଆମେ ଓଳିଆ ରୁ ଗଜା ।
* * *