ଲାଇବ୍ରେରୀ
ପ୍ରୋଫାଇଲ୍
ମାଟି ଦୀପ
ମାଟି ଦୀପ
1 min
359
ମାତୃ ମମତା ରେ ସ୍ନେହ ବନ୍ଧନରେ
ମାଟି ଦୀପ ଟିଏ ଗଢ଼ା
ଜନମ ଶବ୍ଦରେ ନିଶବ୍ଦ ମୃତ୍ୟୁରେ
ମାଟି ଦୀପ ହୁଏ ଲୋଡ଼ା
ମେଞ୍ଚା ମେଞ୍ଚା ମାଟି ହାତରେ ସାଉଁଟି
ଚକଟି ଦିଅହେ ତାକୁ
ଦୀପ ର ରୂପଟି ଦେଇ ସଳିତା ଟି
ସଂଯୋଗ କର ଅଗ୍ନିକୁ
ପୂର୍ଣ୍ଣ ରୂପ ତାର ଦୂରଇ ଅନ୍ଧାର
ଅଜ୍ଞାନ କୁ ନାଶ କରେ
ହୃଦ ମନ୍ଦିରରେ ଆଳାପ ଆଳରେ
ତେଜିବାକୁ ବଳ ଭରେ
ମନ୍ଦିର ଭିତରେ ମହା ଆନନ୍ଦରେ
ମାଟି ଦୀପ ଜଳୁଥାଇ
ଘର ଅଗଣାରେ ତୁଳସୀ ଆଗରେ
ଦୀପରୁ ବାସ ଛୁଟଇ
ସକାଳେ ଅକାଳେ ଏଇ ମହିତଳେ
ମାଟି ଦୀପ ଜାଳୁ ଥାଅ
ଅତି ଆନନ୍ଦରେ ଅବା ବିପଦରେ
ଜୀବନୁ ଟଳିବ ଭୟ
