ଦେବତା ଦିଅ ଉତ୍ତର

ଦାରୁଣ ଦୁଃଖରୁ ତିକ୍ତ ଯନ୍ତ୍ରଣାରୁ 

ଉପଶମ ଦିଏ ଯିଏ 

ବିଳାପ ହୃଦୟ ଦେଇ ପରିଚୟ 

ଦେବତା ତାହାକୁ କହେ 

ଘେନି ପୂଜାଥାଳି କୁସୁମ ଶେଫାଳି 

ବନ୍ଦଇ ତାର ଚରଣ 

ଜନ ମାନସରେ ବାଟରେ ଘାଟରେ 

ବଂଚିବାକୁ ନାରୀ ପ୍ରାଣ 

ତୁମେ ଯଦି ଅଛ କାୟା ବିସ୍ତାରିଛ

ଏଠି ସେଠି ଏଣେ ତେଣେ 

କାହିଁକି କାନ୍ଦୁଛି ଜୀବନ ହାରୁଛି 

ନାରୀ ଯେଣେ ପ୍ରକାରଣେ 

ଚାହୁଁଛକି ପ୍ରଭୁ ଅଣ୍ଟି ଭରିବାକୁ 

କିଛି କିଛି ଲାଞ୍ଚ ଟଙ୍କା 

ଅବା କାହା ଭୟେ ବଂଚିବାକୁ ହାଏ 

ମଉନେ ବସିଛୁ ଏକା 

ଅସ୍ତ୍ରେ ଶସ୍ତ୍ରେ ସାଜି ଯାଉଥିଲ ମଜ୍ଜି 

ଦ୍ୱାପର ତ୍ରେତୟା ସତ୍ୟେ 

ନାରୀଟିର ମନ ଅଟେ ଯେ ମହାନ 

ପ୍ରାଣ ବଞ୍ଚୁଥିଲ ହାତେ 

ଦିଅ ହେ ଉତ୍ତର ଦେବତା ଆମର 

ଏଡ଼େ ବଡ଼ ଆଖି ତୋର 

ଏ ଯୁଗରେ କାହିଁ କିଛି କରୁନାହିଁ 

ନବଞ୍ଚି ଜୀବ କାହାର ।