ମାତୃଭାଷା ଦିବସ ଅନୁଚିନ୍ତା

ଉତ୍କର୍ଷ କଳାର ଉତ୍କଳ ଦେଶ ଏବେ ଓଡ଼ିଶା

ଓଡ଼ିଆ ଆମର ବଢ଼ିଆ ଶାସ୍ତ୍ରୀୟ ମାତୃଭାଷା l

ଆମ ପୁଣ୍ୟଭୂମି ଉତ୍କଳ ନେତା ଶ୍ରୀଜଗନ୍ନାଥ

ନୀଳଚକ୍ର ନେତ ଗରବେ ଗାଏ ଆମରି ଗୀତ l

ଆମ ଭାଷା ଅତି ମହାନ ଆଜି ବିଶ୍ବେ ବଖାଣ

ଜଗତ ଉଦ୍ଧର ପଛେ ମୋ ନର୍କେ ପଡୁ଼ ଜୀବନ l

ଆମ ଭାଷା ପୁଣି ଅଟଇ ମହାଭାରତେ ଖ୍ୟାତ

ଆମ ଭାନୁମତୀ ବରିଲେ ରାଜା କୁରୁ ସମ୍ରାଟ l

ଆମ ଶ୍ରୀଶାରଳା ରଚିଲେ ଯେଉଁ ଭାରତ ଗ୍ରନ୍ଥ

ପ୍ରାନ୍ତୀୟ ଭାଷାରେ ସଙ୍ଗତେ ତାର କିଏ ସମର୍ଥ l

ଜଗନ୍ନାଥ ଦାସ ଉତ୍କଳ ବ୍ୟାସ ବଳି ବାଲ୍ମୀକୀ

ଭାଗବତ,ରାମାୟଣରେ ଗଲେ କିରତୀ ରଖି l

କବି କୁଳ କଞ୍ଜ ଉପେନ୍ଦ୍ର ଭଞ୍ଜ କବି ସମ୍ରାଟ

ଦେବଭାଷା ସଂସ୍କୃତସଙ୍ଗେ ତାଙ୍କ କୃତି ତୁଳିତ l

ଦୀନକୃଷ୍ଣ,ଗୋପାଳ କୃଷ୍ଣ,ରଥେ ଶ୍ରୀବଳଦେବ

ପଞ୍ଚସଖା ଅଭିମନ୍ୟୁଙ୍କ ସଙ୍ଗେ କେ ସରି ହେବ l

ଗୋପବନ୍ଧୁ, ବାଞ୍ଛାନିଧି ଓ ପୁଣି ବୀର କିଶୋର l

ଓଜସ୍ୱିନୀ ଦେଶପ୍ରେମର ବାଣୀ କଲେ ପ୍ରଚାର l

ରାଧାନାଥ ଆଉ ଫକୀର କବି ମଧୁ ସୂଦନ

ଏକୁଏକ ନାମ କହିଲେ ହେବ ଏକ ପୁରାଣ l

ଫକୀର କହନ୍ତି ମୋ ମାତୃଭାଷା ମତେଟି ବଡ଼

ସମ୍ମାନ ସବୁରି ଭାଷାକୁ କେହି ନୁହେଁଟି ଜଡ଼ l

ରଙ୍ଗାଜୀବ ଆମ ଶ୍ରୀ ଗଙ୍ଗାଧର ଅଛନ୍ତି କହି

ମାତୃଭୂମି ମାତୃଭାଷାର ପ୍ରେମ ଯା ହୃଦେନାହିଁ l

ଏକଥା ନିଶ୍ଚୟ ସେ ନର ହୁଏ ଅଜ୍ଞାନେ ଗଣା

ଏଣୁ ମାତୃଭାଷା ଉନ୍ନତି କଳ୍ପେ ସାଧ ସାଧନା l