ଶେଷ ଠିକଣା
ଶେଷ ଠିକଣା
ପାହାଡର ସେପାଖେ
ନଈ ଧାରେ ଟିକେ ବାଙ୍କେ
ନୁଆଁଣିଆ ଚାଳଘର ଭିତରେ
ମୋ ଶାଶୁଘର ଗାଁ
ଇତିହାସେ ନଥାଉ ପଛେ ତା ନାଆଁ
ମୋ ହୃଦୟେ ଲେଖା ତାର ନାଆଁ
ପଚାରନା କିଆଁ. କିଆଁ ?
ଭୁଲିଥିଲି ଯୋଉଠି
ମୋ ଷଷ୍ଠୀ ଘର କୋଉଠି
ବାପା ମାଆ ଭାଇ ଭଗ୍ନୀ
ବଦଳେ ପାଇଲି ଯାହା ଏଠି
ଆଦବ କାଇଦା
ଅଜବ କଟକଣା
ଧୀରେ ଧୀରେ ଦେହସୁହା
ତମେ ଥିଲ ଯେଣୁ ପାଖେଟି
ତମଗାଁ ତମ ନାଁ ପରିଚୟ ମୋ ଗୋଟି l
ଏତେ ଦିନ ପରେ ଆଜି
ସ୍ମୃତି ଫେରେ ପହଡ଼ ଭାଜି
ଚାଲ ଯିବା ହାତ ଧରି ସାଥି ସାଜି
ମୋ ଗାଁ ଉନ୍ନତି ହେଜି
ପୁରାଣ ଭଗବତେ ଭିଜି
ଉଦାସୀ ଆଖିରେ ମଜ୍ଜି
ପୁଣି ପାଇବା ଖୋଜି
ଶାନ୍ତି ଟିକେ ପ୍ରଶାନ୍ତି ରେ ହଜି
ରଖିବ ତମେ ବାପାମାଆ ନାଁ
ମୁଁ ପାଇଯିବି ମୋ ଦୁନିଆଁ l