ଲାଇବ୍ରେରୀ
ପ୍ରୋଫାଇଲ୍
ମାଣିକ ପାଟଣା ଦହି
ମାଣିକ ପାଟଣା ଦହି
1 min
205
ଆସ କିଏ ସେ ଖାଇବ ହେ
ମାଣିକ ପାଟଣା ଦହି
ଯେଉଁ ଦହି ଖାଇ କଳା ଧଳା ଭାଇ
ମୁଦି ଯାଇଛନ୍ତି ଦେଇ
ଆସ କିଏସେ ଖାଇବ------
ଖଣ୍ଡ ଖଣ୍ଡ ଦହି ମୁଣ୍ଡା ମୁଣ୍ଡା ଦହି
ଖାଣ୍ଟି ଗୋରସରୁ ମୁହିଁ
ଅତି ଯତନରେ ତିଆରି କରିଛି
ହାତ ପାତି ଦେଲେ ଖାଇ।
ଆସ କିଏ ସେ ଖାଇବ----------
କାଞ୍ଚି ଅଭିଯାନେ ଜଗତ ଠାକୁର
ଗଉଡୁଣୀ ଦହି ଖାଇ
ନାମ ରଖିଥିଲେ ମାଣିକପାଟଣା
ଭାଗ୍ୟରେ ଥିଲେ ମିଳଇ।
ଆସ କିଏସେ ଖାଇବ----------
ଧନ୍ୟ ଜଗନ୍ନାଥ ଧନ୍ୟ ତୋ ଭକତ
ଭକତିରେ ବନ୍ଧା ତୁହି
ଛାର ଗଉଡୁଣୀ ଦୁହି ଖୁଆଇଣ
ଅମର ଗଲା ସେ ହୋଇ।
ଆସ କିଏସେ ଖାଇବ ହେ ମାଣିକପାଟଣା ଦହି।
