ମାନଚିତ୍ର
ମାନଚିତ୍ର
ପ୍ରତାରଣା ର କରାଳ ସ୍ରୋତେ
ପ୍ରତିସୃତି ଶବ ଭାସୁଛି,
ଅସହିଷ୍ଣୁ ଙ୍କର ଅରାଜକତା
ସାମାଜିକ ରଙ୍ଗମଞ୍ଚେ
ସମୟ ର ପ୍ରଳାପ
ବନ୍ଦୀଶାଳା ଏଠି ହସୁଛି ।।
ପ୍ରତାରଣା ର ଉଜାଣି ଢେଉ
ଅଶାନ୍ତ ସାଗର ବେଳା ପଡୁଛି-ଉଠୁଛି
ନିରିମାଖି ସ୍ରୋତସିନୀ
ସୁସ୍କତାର ଜ୍ବାଳା ରେ
ସାଗରବେଳା ରେ
ମଥାପିଟି ଖାଲି କାନ୍ଦୁଛି
ଖାଲି ବାହାଷ୍ପୋଟ ଆଉ ଶକ୍ତି ପ୍ରଦର୍ଶନ !
ବାକ୍ୟ ଯୁଦ୍ଧରେ ବିଭୋର ସମସ୍ତେ
ସ୍ଵାର୍ଥ ର ସଂଗ୍ରାମ ଚାଲିଛି,
ଖଟିଖିଆ ଏଠି
ପେଟ ବିକଳରେ
ଦାଦନେ ବିଦେଶ ଯାଉଛି।
ସମୟ ଟା ଖାଲି ହସୁଛି
ମହାକାଳ ଆସିବ-ମାନଚିତ୍ର ବଦଳିବ
ଆହୁରି ସମୟ ହସିବ।
ପୁଣିଥରେ ପ୍ରଳୟ ଆସିବ
ଘୂରିବ ଶୁଦର୍ଶନ
ପ୍ରଳୟ ପରେ ପୁଣି କାହାକୁ କହିବା
ବେଳ ଥାଉଁ-ଥାଉଁ
ଚାଲ ଆମେ ସାବଧାନ ହେବା