ଲାଇବ୍ରେରୀ
ପ୍ରୋଫାଇଲ୍
ଯାଅନା ଯମୁନା
ଯାଅନା ଯମୁନା
1 min
235
ରାଧା ଲୋ ରାଧା ମାନି ତୁ ବାଧା
ଯାଅନା ଲୋ ଯାଅନା ଯମୁନା
ଯାଅନା ଯମୁନା
ବାଟେ ବସିଛି ସେ ନନ୍ଦ ଲାଲା
ନାଟ ଲଗାଏ ନ ମାନି ମନା
ସେ ନାଟୁଆ କାହ୍ନା
ଯାଅନା ଲୋ ଯାଅନା ଯମୁନା।୦।
ବାଟ ଓଗାଳି ଭାଙ୍ଗେ ମାଠିଆ
ନଟ ଖଟିଆ ସେ ଅଝଟିଆ
କହିଲେ ଶୁଣେନା
ବୁଝେନା ଲୋ ଜମା ବୁଝେନା
କରୁଥାଏ ସେ ଖାଲି ବାହାନା
ଯାଅନା ଯମୁନା
ଯାଅନା ଲୋ ଯାଅନା ଯମୁନା ।
ସେ ରସିକ ଲୋ ଜଗତେ ଏକା
ତା'ପରି ନାହିଁ ଆଉ କେ ଟୋକା
ସେ କାଳିଆ ସୁନା
ଭଲ ପାଇ ସେ ଜମା ଭୁଲେନା
ଭୁଲି ଯା ତାକୁ ମନେ କରନା
ଯାଅନା ଯମୁନା
ଯାଅନା ଲୋ ଯାଅନା ଯମୁନା।
ରାଧା ନାମେ ତା ବାଜେ ବଇଁଶୀ
ଝରେ ଲୋ ସୁଧା ପଡ଼ଇ ଖସି
ରହି ଯା ତା ବିନା
ଶାଶୁ ନଣନ୍ଦ ତୋର ବଇରି
ସହି ବେନି ଲୋ ତୋତେ ଧିକ୍କାରି
କଥା କହି ନା ନା
ପର ଘରଣୀ ତୁ ରାଧାରାଣୀ
ସହିବୁ କେତେ ନିନ୍ଦା ତୁ ଶୁଣି
ଦେବେ ଲୋ ଗଞ୍ଜଣା
ଯାଅନା ଲୋ ଯାଅନା ଯମୁନା ।
ରାଧା ଲୋ ରାଧା ମାନି ତୁ ବାଧା
ଯାଅନା ଯମୁନା ।
