ଲାଇବ୍ରେରୀ
ପ୍ରୋଫାଇଲ୍
ପ୍ରଜାନୁରଞ୍ଜକ ହେ ଶ୍ରୀରାମ
ପ୍ରଜାନୁରଞ୍ଜକ ହେ ଶ୍ରୀରାମ
ପ୍ରଜାନୁରଞ୍ଜକ ହେ ଶ୍ରୀରାମ
ସୌମ୍ୟକାନ୍ତ ରୂପ ବୀରତ୍ଵରେ ଅନୁପମ
ନ୍ୟାୟବନ୍ତ ମର୍ଯ୍ୟାଦା ପୁରୁଷୋତ୍ତମ
ଅମ୍ଳାନ ବ୍ୟକ୍ତିତ୍ଵ ଚରିତ୍ର ଉତ୍ତମ
ଯୁଗାବତାରୀ ତୁମେ ମହାମହିମ
ପ୍ରକାଶିଲ ଯୁକାନ୍ତକାରୀ ପାର୍ଥିବ ପ୍ରେମ
ଦେବ ଦାନବ ମାନବ ନାହିଁ ତୁମ ସମ
ଅନନ୍ୟ ସୁଦକ୍ଷ ଶାସକ ତୁମେ ପରଂବ୍ରହ୍ମ
ପୁଣ୍ୟ ଅର୍ଜନେ ପୂର୍ଣ୍ଣ କଲ ଧରାଧାମ
ପ୍ରଜାନୁରଞ୍ଜକ ହେ ଶ୍ରୀରାମ
ଦଶରଥ ନନ୍ଦନ ଅଯୋଧ୍ୟାର ଯଶ ସୁନାମ
ପାଳି ପିତୃସତ୍ୟ ରଖିଲ ପୁତ୍ରର ଧର୍ମ
ପିତୃମାତୃ ଭକ୍ତି ଭାତୃ ସ୍ନେହ ଥିଲା ଅସୀମ
ଏକ ପତ୍ନୀ ବ୍ରତେ ନରୋତ୍ତମ
ପ୍ରଜାବୃନ୍ଦଙ୍କୁ ପାଳୁଥିଲ ପୁତ୍ର କନ୍ୟା ସମ
ତୁମେ ବିଦ୍ୱାନ ଯଶସ୍ଵୀ ତୁମେ ପରମ
କର୍ତ୍ତବ୍ୟ ପାଳନେ କରିଛ ମହାନ କର୍ମ
ତ୍ୟାଗ ଆଦର୍ଶରେ ଋଷି ପ୍ରତିମ
ପ୍ରଜାନୁରଞ୍ଜକ ହେ ଶ୍ରୀରାମ
ଶିବଧନୁ ଭଗ୍ନ କରି ଦେଖାଇଲ ପରାକ୍ରମ
ଦେବୀ ସୀତାଙ୍କର ହେଲ ପ୍ରିୟତମ
ବନବାସେ ରହି କଲ କଠିନ ପରିଶ୍ରମ
ସୁଗ୍ରୀବଙ୍କ ମିତ୍ର ଭାବେ ରଖିଲ ଧର୍ମ
ବାଳୀ ବଧି କିଷ୍କିନ୍ଧ୍ୟାକୁ କଲ ପୁଣ୍ୟଧାମ
ବାନ୍ଧି ସେତୁବନ୍ଧ ପଥ କଲ ସୁଗମ
ରାବଣ ନିଧନେ ହଟାଇଲ ମହା ବିଷଦ୍ରୁମ
ଉଦ୍ଧାରି ସୀତାଙ୍କୁ ପାଳିଲ ପତି ଧର୍ମ
ପ୍ରଜାନୁରଞ୍ଜକ ହେ ଶ୍ରୀରାମ
ବିଭୀଷଣ ହନୁମାନଙ୍କର ହେଲ ପରମ
ଅଯୋଧ୍ୟାବାସୀଙ୍କର ଦୁଃଖ କରି ହୃଦୟଙ୍ଗମ
ସୁଶାସନେ ରହିଲ ଅକ୍ଳାନ୍ତ ଅବିରାମ
ଦେଖି ମହର୍ଷି ବାଲ୍ମିକୀଙ୍କର ଆଶ୍ରମ
ସୀତାଙ୍କ ନିର୍ବାସନେ ଦୂରକଲ ପ୍ରଜାର ଭ୍ରମ
ବହୁ ବାଧାବିଘ୍ନକୁ କରି ଅତିକ୍ରମ
ଜୀବନଧାରା ପ୍ରବାହର ରଖିଲ କ୍ରମ
ତୁମେ ଅଦ୍ୱିତୀୟ ଯୋଗଜନ୍ମା ପୁରୁଷୋତ୍ତମ
ପ୍ରଜାନୁରଞ୍ଜକ ହେ ଶ୍ରୀରାମ ।
