ଇଚ୍ଛାମୟ ତୁମେ ହେ ଠାକୁର
ଇଚ୍ଛାମୟ ତୁମେ ହେ ଠାକୁର
ଇଚ୍ଛାମୟ ତୁମେ ହେ ଠାକୁର
ଇଚ୍ଛାରେ ତୁମର
ଚାଲୁଛି ଏ ସାରା ସଂସାର,
ଗୁହାରୀ ଶୁଣ ଟିକିଏ ମୋର
କରୁଛି ଜୁହାର।
ଏ ଅଧମକୁ କରୁଣାକର,
ଇଚ୍ଛାମୟ ତୁମେ ହେ ଠାକୁର।
ତୁମେ କୃପାସିନ୍ଧୁ ଦୟା ସାଗର
ତୁମେ ଦୀନବନ୍ଧୁ ଦୁଃଖିଜନର,
ତୁମେ ଅନ୍ତର୍ଯ୍ୟାମୀ ଏ ଦୁନିଆର
ତୁମ ଛଡ଼ା କିଏ ହେବ ନିଜର ?
ଜନମ ଦେଇଛ କରି ଆଦର
ତୁମେ ହିଁ କରତା ମୋ ଆପଣାର,
ସୁଖ ଦୁଃଖ ଯା' ବି କର ବିଚାର
ସହିବି ଆଶିଷ ଭାବି ତୁମର ।
ଇଚ୍ଛାମୟ ତୁମେ ହେ ଠାକୁର
ତୁମେ ସତ୍ୟନାଥ ତୁମେ ସୁନ୍ଦର
ତୁମେ ସଚ୍ଚିଦାନନ୍ଦ ନିରାକାର,
ତୁମେ ଦୟାମୟ ପ୍ରଭୁ ହେ ମୋର
ମୋ ଭରସା ବିଶ୍ବାସ ରଖ ସ୍ଥିର ।
ତୁମ ଇଚ୍ଛା ଘେନି କରମ ମୋର
କରୁଥିବି ମୁଁ ନିତି ନିରନ୍ତର,
ଥାଇ ତୁମେ ମୋ ହୃଦୟରେ ଚିର
ଦେଖାଅ ବାଟ ଆଖି ଆଗେ ମୋର
ଇଚ୍ଛାମୟ ତୁମେ ହେ ଠାକୁର ।