ଆ ମୌସୁମୀ ଆ

ଜେଠ ଯେଇକରି ଅଶାଡ଼ ଆସଲା

ଦେଖା ନାଇନ ତୋର 

ଆ ତୁଇ ଫେରି ଆ ଜଲଦି ଜଲଦି

କରି ସବକେ ସୋର. ।

   ଆ ମୌସୁମୀ ଆ ଜଲଦି ଆ

   ତୁଇ ଆମର ପ୍ରେମୀ ଭଳିଆ ।।୧।।

ଧଳା ମେଘର ମୁଇଁ ରଥ ବାନେଛେଁ

ପଠାମି ତୋର ଠାନେ

ମୋର ମୌସୁମୀ ସଜେ ହେଇ ଆସବୁ

ତୁଇ ଗୋ ମୋର ଠାନେ ।

   ଆ ମୌସୁମୀ ଆ ଜଲଦି ଆ 

   ତୁଇ ମୋର ପ୍ରେମୀ ଭଳିଆ ।।୨।।

ସାରା ପରିବେଶ ଖୁଜୁଛେ ଆଜି ଗୋ

ମୌସୁମୀର ଆସବାର ବାଟକେ

ନୂଆ ସଜେ ହେବା ସାରା ଇ ଦୁନିଆଁ

ପାଇ କିନା ତାର ପ୍ରେମ ରସ କେ ।

    ଆ ମୌସୁମୀ ଆ ତୁଇ ଆ

    ତୁଇ ଆମର ଦୁଃଖ ଭୁଲିଆ ।।୩।।

ଘର ଦୁଆର ସବୁ ପଶୁ ପକ୍ଷୀ ଆରୁ

କ୍ଷେତ ଖଲା ଯାହା ଅଛେ

ନାଏଦ, କ୍ଷେତ ଖଲା ଯାହା ଅଛେ ସବୁ

ତତେ ଖାଲି ନୁରୁ ଅଛେ ।

     ତୁଇ ଆ, ଆ ଗୋ ମୌସୁମୀ ଆ

     ତୋର ଧରା ଧାମେ ଆସି

        ଥରେ ଦେଖା ଦେଇ ଯା ।।୪।।

କାହାର ପିଆର୍ ତୁଇ କାହାର ଜୀବନ ଆଉ

କାହାର ଆଉ ଦୁନିଆଁ

ଛୁଆ ଠାନୁ ବଡେ ଗଛ ଠାନୁ ଚାଷୀ

ସବକର ତୁଇ ସାହାରା ।

      ମୌସୁମୀ ଗୋ ତୁଇ ଆ ଜଲଦି ଆ

      ତୁଇ ଆମର ଦୁଃଖ ଭୁଲିଆ ।।୫।।