ମାନବିକ ଅଧିକାର

ମଣିଷ ଉପରେ ମଣିଷର ଶୋଷଣ,

ହିଂସା ଓ ଦ୍ୱେଷ

ଯୁଗ ଯୁଗ ଧରି କରିଛି କେତେ ଯେ  

ଧ୍ୱଂସ ଓ ବିନାଶ ।

କିଛି ମାନବ ନିଜର ସବୁ ସ୍ୱାର୍ଥ ମାୟା

ମୋହକୁ ତେଜି 

ବିଳାସ ବ୍ୟସନ କାହିଁରେ ସେମାନେ 

ନରହି ନମଜ୍ଜି ।

ଭାବିଛନ୍ତି ମଣିଷର ଦୁଃଖ ସବୁ ଯାଉ 

ଅପସରି 

ଚିନ୍ତା ଥିଲା ମଣିଷର ଓଠରେ ହସ 

ଆସିବ କିପରି ।

ସେମାନେ ସ୍ଥାପିଛନ୍ତି କୀର୍ତ୍ତି, ଧ୍ୟାନରେ 

ମଗ୍ନ ହୋଇ

ସତ୍ୟର ପଥକୁ ରଚିଛନ୍ତି ଜାଣ ହେ ସବୁ

ଭଉଣୀ ଓ ଭାଇ ।

ସେମାନଂକର ବାଣୀରେ ଧରଣୀ ତ

ଉଠିଲା ଗୁଞ୍ଜରୀ

ଯାତନା ତାଡନା କଷଣ ଯେତେ ଯିବ 

ଦୂରେ ଅପସରି ।

ବଂଚିବାର ସଂଗ୍ରାମରେ ସୃଷ୍ଟି ହେଲା 

ମାନବିକ ଅଧିକାର

30 ଗୋଟି ମାନବିକ ଅଧିକାର ଧାରା 

ଜଗତରେ ହେଲା ପ୍ରଚାର ।

ମୁକ୍ତ ଜୀବନ, ସମାନତା, ମଣିଷ ଭଳି 

ମଣିଷର ଜୀବନ ଯାପନ,

ସମସ୍ତ ପ୍ରକାର ଶୋଷଣରୁ ସୁରକ୍ଷା ପ୍ରାପ୍ତି

ଅଧିକାରରେ ପାଇଛି ସ୍ଥାନ ।

ଜଗତରେ କେହି ମଣିଷ ନରହିବେ 

କେବେ କ୍ଷୁଧାତୁର

ରହିଛି ସାମାଜିକ, ରାଜନୈତିକ ଓ 

ଅର୍ଥନୈତିକ ନ୍ୟାୟର ଅଧିକାର ।

ଏହି ସବୁ ଅଧିକାର ହାସଲ କରିବା 

ପାଇଁ ସୁବିଧା ରହିବ

ସବୁ ଦେଶର ସରକାର ଅଂଗୀକାର, 

ସମସ୍ତ ସୁରକ୍ଷା ଦେବ ।

ଦେଶର ଭବିଷ୍ୟତ ନାରୀର ହାତରେ 

ଗଢ଼ା ହୋଇ ଥାଏ 

ତାହା ଜାଣି, ଧାରା 16 ରେ ମାତୃ ଜାତିର 

ସୁରକ୍ଷା କଥା ଲେଖା ହୁଏ ।

ଆଜିର ଶିଶୁ ଯେ କାଲି ନାଗରିକ,

ଭବିଷ୍ୟତର ବିନ୍ଧାଣି 

ଶିଶୁର ଦାୟିତ୍ୱ ଅଭିବୃଦ୍ଧି ଅଧିକାର

ଦିଆ ଯାଏ ଜାଣି ।

ସମସ୍ତ ଜନତା ସୁସ୍ଥରେ ରହିଲେ ସୁସ୍ଥ 

ରହିବା ସମସ୍ତେ, 

ବାସ୍ତବରେ ସୁଖର ଜୀବନ ବିତାଇବା, 

ଖୁସିରେ ରହିବା ଜଗତେ ।

ଦାନବ ରୂପ ଧରି ଛାଡନ୍ତି ଶାସକ ଯେତେ

ଭୟଙ୍କର ରଡି

କଳା ମେଘ ବାଦଲର ଛାଇରେ ବିକଳର 

ସ୍ୱର ଆସୁଅଛି ମାଡି ।

ରାଷ୍ଟ୍ର ମାନଂକର ଏଗୁଡିକ ସୁରକ୍ଷା 

ପ୍ରଧାନ କର୍ତ୍ତବ୍ୟ ଅଟେ

ଏଗୁଡିକୁ ଭୁଲିଛନ୍ତି ଏ ଯୁଗର ଶାସକ 

ପୁଂଜିପତିର ପୁଷ୍ଟେ ।

ବର୍ତ୍ତମାନ ପ୍ରଶ୍ନ ଉଠୁଛି ମନରେ

ସଂକୀର୍ଣ୍ଣତା ସ୍ୱାର୍ଥ ପାଇଁ, 

ସୁନ୍ଦର ସୃଷ୍ଟିକୁ ଧ୍ବଂସ କଅଣ କରି ଦେବା

କଅଣ ନିଜ ସ୍ୱାର୍ଥ ପାଇଁ ।