ଲାଇବ୍ରେରୀ
ପ୍ରୋଫାଇଲ୍
ମାଗୁଛି ପ୍ରେମ
ମାଗୁଛି ପ୍ରେମ
1 min
106
ଜୀବନ ଆଜି ଶେଷଥର ପାଇଁ
ଦେଖା ଦେଇ ଚାଲିଗଲା
ହାତରେ ନେଇ ଆସିଥିଲା
ମୋର ଫେରିବାର ପତ୍ରଟିଏ
ସମୟକୁ ଟିକ୍ ଟିକ୍ ଶବ୍ଦ
ସଂକେତ ମିଶେଇ
ଶେଷ କିସ୍ତି ଆକାରରେ
ଆଉ ମାତ୍ର କିଛି ମୁହୂର୍ତ୍ତ ଦେଇଗଲା
କିଛି ଆଶା ପୂରଣ ହୋଇଛି
କିଛି ବାକି ରହିଗଲା
ବୋଧେ
ଆଉ ପୂରଣ ନହେବାର
ଅଭିଶାପ କାରଣରୁ
ତୁମେ ଗଲା ପରେ ପରେ
ସବୁକିଛି ନିଜର ହୋଇ ବି
ପର ସାଜିଛନ୍ତି
ବାସ୍ ଆଉ କିଛି ମୋହ ନାହିଁ
କିଛି ଅଭିଯୋଗ ନାହିଁ କାହା ପାଖେ
ନାହିଁ ପୁଣି ଆଉ ଅଭିମାନ କିଛି
ଦୋଷ ଦେବାର ବି ନାହିଁ
ତୁମ ପାଖକୁ ଅତି ଶୀଘ୍ର ଆସୁଛି
ବେଳ ଗଡିଲା ବାସ୍ ଆଉ କିଛି ସମୟ
ଏତିକି ମାଗୁଛି ତୁମକୁ
ତୁମ ପ୍ରେମ ଯାଦୁଗରି ଆନନ୍ଦକୁ
ଆଗାମୀ ଜନ୍ମରେ ମୋର ହୋଇ ଫେରିବ
ଅପେକ୍ଷା କରିଥିବ ମୋତେ
ଆଉ ମୋ ଫେରିବା ବାଟକୁ
