ଲାଇବ୍ରେରୀ
ପ୍ରୋଫାଇଲ୍
ମାଆ ରୂପରେ ନଦୀ
ମାଆ ରୂପରେ ନଦୀ
1 min
105
ଯେ ଦେଶେ ନଦୀ ମାଆ ରୂପରେ
ଜଗତେ ପାଏ ପୂଜା
ସେହି ମୋ ଦେଶ ଜନମ ଭୂମି
ଗରୀୟାନ ତା ଧ୍ଵଜା।
ଗଙ୍ଗା ଯମୁନା ନର୍ମଦା ତାପ୍ତୀ
କୃଷ୍ଣା କାବେରୀ ପରି
ମହାନଦୀ ଓ ଗୋଦାବରୀ ଟି
ସଭିଙ୍କ ଦୁଃଖ ହାରି।
ନଦୀ ସାଗର ପାପର ଭାର
କରନ୍ତି ଏଠି ଦୂର
ସୁନାର ଦେଶ ନାମ ବିଖ୍ୟାତ
ଜାଣଇ ମହୀପୁର।
ଶସ୍ୟ ଶ୍ଯାମଳା କରନ୍ତି କ୍ଷେତ
ପ୍ରଦାନ କରି ଜଳ
ଅନ୍ଧାର ଘରେ ବିଜୁଳି ଜଳେ
ଚାଲୁଛି କେତେ କଳ।
ମୋ ଦେଶ ପରି ଦେଶଟେ କାହିଁ
ସୁନ୍ଦର ମହୀତଳେ
ରଖିବା ତା'ର ନାମ ଓ ଯଶ
ସଫଳ କର୍ମ ବଳେ।
