ମାଆ ଦୁର୍ଗାଙ୍କ ପାଇଁ ପଦେ
ମାଆ ଦୁର୍ଗାଙ୍କ ପାଇଁ ପଦେ
ଶ୍ରାବଣୀ ଗଲାଣି ଚାଲି
ଶରତ ଆସିଛି ବୋଲି
କାଶତଣ୍ଡି ହସେ ଖିଲି ଖିଲି
ଦୁର୍ଗା ମାଆ ଆସିବେ ବୋଲି
ଡାଳରୁ ଡାଳକୁ କୋଇଲି
ବସନ୍ତ ଆସିବା ଗଲା କି ଭୂଲି
ଦୁର୍ଗା ମାଆ ପୂଜା ଦେଖେ ବୁଲି
ହେମନ୍ତ ଋତୁ ଟା ଖାଲି
ପିଇ ମହୁଲି ନିଶାରେ ପାରୁନି ଚାଲି
ହତଭାଗା ନୁହେଁ ଚେଇଁ ଶୋଇଛି ଖାଲି
ଦେଖିବ ପାର୍ବଣେ ଦୁର୍ଗା ମାଙ୍କୁ କହେ ଖୋଲି
ବର୍ଷା ତଥାପି ଲୁଚି ଛପି ଦେଖେ
ଗତକାଲି ନା ଆସନ୍ତା କାଲି
କାହା ପାଇଁ ଜରି କଟା ହୁଏ ନେଳି ନାଲି
ଗ୍ରୀଷ୍ମର ପ୍ରବଳ ଗରମ ଯାଇଛି ଚାଲି
ତଥାପି ମଉକା ଖୋଜୁଛି ଖାଲି
କେବେ କେବେ ଆସି ଦେଖି ଯାଏ ବୁଲି
ମାଆ ଅମୃତ ହସଟେ ଦେଖିବ ବୋଲି
ଋତୁ ମାନେ ସବୁ ଝଗଡା ଝାଟିରେ
କାଶତଣ୍ଡି ଉଠେ ଫୁଲି ଫୁଲି
ମାଆ ପାଇଁ ସ୍ଵାଗତ ଗୀତିକା ଗାଇବ ବୋଲି
ପକାଇ ନହୁଲି ଚାଲି ମନ ଯାଏ ଚହଲି
ଘଣ୍ଟ ମାର୍ଦ୍ଦଳ ଶଙ୍ଖ ବାଜିଲାଣି
ନବଦିନ ବ୍ୟାପି ମାଆଙ୍କୁ ପୂଜିବା ଖାଲି
ପୁରୁଷଙ୍କୁ ଦେବେ ଶକ୍ତି ସାମର୍ଥ୍ୟ
ନାରୀଙ୍କୁ ସିନ୍ଦୁର ଶଙ୍ଖା ନାଲି
ସମସ୍ତଙ୍କୁ ଆଶୀର୍ବାଦ ଦେଇ ଯିବେ ଚାଲି
ବା,ବତାସି ଅସୁର ରାକ୍ଷସୀ ଯିବେ ଚହଲି ।