ଲାଇବ୍ରେରୀ
ପ୍ରୋଫାଇଲ୍
ମାଆ ଭୁଆସୁଣୀ
ମାଆ ଭୁଆସୁଣୀ
1 min
354
ମାଆ ଭୁଆସୁଣୀ ମୋ ଗାଆଁ ଦୁଲଣି
ପ୍ରଣତି ମୋ ଘେନା କର
ଲାଗିଲା ସଂସାର ରଖିବୁ ନଜର
ପଣତେ ଘୋଡାଇ ତୋର।
ତୋହରି ଆଶିଷେ ଅଛି ଦୂର ଦେଶେ
ସଭିଙ୍କୁ ନିଜର କରି
ପାଳି ରାଜ ଧର୍ମ ବରି ସେବା କର୍ମ
ଆପଣା ଜନଙ୍କୁ ହରି
ପ୍ରତି ପ୍ରଭାତରେ ତୋ ନାମକୁ ସ୍ମରେ
ଦୁଃଖକୁ ଜଣାଇ ମୋର।
ଅପାର କରୁଣା ପାଇ ତୋର ସିନା
ଜୀବନେ ଆନନ୍ଦ ମିଳେ
ହୃଦେ ଥାଇ ସ୍ଥିତ କରୁ ତୁ ଜାଗ୍ରତ
ବିପଦ ଆସିବା ବେଳେ
କରୁଣାଦାୟିନୀ ବିପଦ ଭଞ୍ଜନୀ
ଶରଣ ପାଦେ ତୋହର।
