ମା ଗୋ ସାରଳା ଜଗତଜନନୀ
ମା ଗୋ ସାରଳା ଜଗତଜନନୀ
ସତ୍ୟଯୁଗେ ଅବତରୀ ମା'ଲୋ
ମାଗୋ ଝଙ୍କଡ଼ ବାସିନୀ ସାରଳା,
ମୂର୍ଖକୁ ପଣ୍ଡିତ ବୋଲାଉ ମା'ଲୋ
ରଖୁ ବୁଡିବାର ଭେଳା l
ବେଲ ପତ୍ର, ତୁଳସୀ, ମନ୍ଦାର ପୁଣି
ତୋତେ ନିତି ପାଏ ଶୋଭା,
ସିନ୍ଦୂରେ ମଣ୍ଡିତା, କଳା ପାଟ ଶାଢ଼ୀ
ଦିଶେ କେଡେ ମନ ଲୋଭା l
ବିଦ୍ୟା, ବୁଦ୍ଧିର ଦେବି ମା'ଲୋତୁ
ବୀଣା, ଘଣ୍ଟି ଧାରିଣୀ,
ବୈଷ୍ଣବ ଧର୍ମରେ ଶାକ୍ତ ସମ୍ପ୍ରଦାୟେ
ମା'ଲୋ ସଙ୍କଟ ନାଶିନୀ l
ରତ୍ନଗିରି ନାମ ତିର୍ତୋଲ ନିକଟେ
କନକପୁର ଗ୍ରାମେ ତୋ ପୀଠ,
ଓଡିଶା ରାଜ୍ୟର ପୂର୍ଵ ଉପକୂଳେ
କୀର୍ତ୍ତିମୟୀ ମା 'ତୋ ଶକ୍ତିପୀଠ l
ଅଷ୍ଟମ ଶତାବ୍ଦୀ ବ୍ରହ୍ମବଂଶ ରାଜା
ମାଧ୍ୟମେ ହେଲୁ ନିର୍ମିତ,
କଳାପାହାଡର ଆକ୍ରମନେ ମା'ଲୋ
ହୋଇଥିଲୁ ଭସ୍ମସାତ l
ମୋଗଲ ରାଜା ତ ଆଉରଙ୍ଗଜେବ
ମସଜିଦ ନିର୍ମାଣ କଲେ,
ମରହଟ୍ଟା ରାଜା ଅଠରଶହତିନି ରେ
ତୋତେ ଉଦ୍ଧାର କରିଲେ l
କେତେ ଭଗ୍ନାଶେଷ ହେଇ ତୁ ମାଲୋ
ପୁନଃ ସ୍ଥାପନ ହୋଇଲୁ,
ଭଗ୍ନ ମନ୍ଦିରରେ ଗଣେଶ ପ୍ରଭୁ ଯେ
ତୋ ପାଶେ ପୂଜା ପାଇଲେ l
ତ୍ରିଦେବୀ ରୂପରେ ପୂଜା ପାଉ ମାଲୋ
ଅଷ୍ଟାଭୂଜା, ଚତୁର୍ଭୁଜା,ଦ୍ବିହାତ, ଅଷ୍ଟଧାତୁ ମୂରତି,
ସବୁ କାଳେ କାଳେ ଶକ୍ତିପ୍ରଦାୟିନୀ
ମା' ତୁ ବିଦ୍ୟା ଭାରତୀ l
ଶକ୍ତିସ୍ୱରୂପିଣୀ, ସଙ୍କଟ ନାଶିନୀ
ମା'ଗୋ ମହିଷାମର୍ଦିନୀ,
କଳିଯୁଗେ ଧର୍ମ ରକ୍ଷାକରୁ
ମା'ଲୋ ଅସାଧ୍ୟ ସାଧିନୀ l
ତୋର କୃପା ବଳେ ମହାମୂର୍ଖ
ମହା ପଣ୍ଡିତ ବୋଲାଇଲେ,
ଅଧିଆ ପଡି ସେ କୃପା ତୋର ଲଭି
ଓଡ଼ିଆ,ଅଷ୍ଟାଦଶ ମହାଭାରତ ରଚିଲେ l
ପ୍ରଥମ ଓଡ଼ିଆ କବି ବୋଲି ଯେ
ନାମ ବୋଲାଇଲେ ସାରଳା ଦାସ,
ସିଦ୍ଧ ପଣ୍ଡିତ ବୋଲାଇ ମା'ଲୋ
ରଖିଲେ କାଳ କାଳକୁ ଯଶ l
ତୋର ପଦ ତଳେ କୋଟି ପ୍ରଣିପାତ
ମା'ଲୋ ସାଦରେ ଆଦରି ନେବୁ,
ଏ ପାପ ପଙ୍କରୁ ଉଦ୍ଧାରିବା ପାଇଁ
ତୋ ଆଶିଷ ଢାଳିଦେବୁ l