ଦୀପ ଓ ସଳିତା
ଦୀପ ଓ ସଳିତା
ଦୀପ କହୁଥିଲା ସଳିତାକୁ ଚାହିଁ
ହେ ମୋର ପ୍ରିୟ ଭଉଣୀ,
ତୁମ ବିନା ମୋର ପରିଚୟ ନାହିଁ
ଏ ଆମ ସତ କାହାଣୀ l
ତୁମେ ମୋର ସାହା ମୁଁ ତୁମର ନାଆ
ଏଇ ଆମ ପରିଚୟ,
ଦୁହେଁ ମିଶିଲେ ତ ଭଲ କାମ ହୁଏ
ଦୁନିଆକୁ କରୁ ଜୟ l
ତୁମ ଯୋଗୁ ମୋର ଜଗତରେ ଆଜି
ହୋଇଛି ମୁଁ ସଦା ବଡ଼,
ସେଥିପାଇଁ ବୋଧେ ତୁମର ମୋର
ଭାବ ଯେ ଅତି ନିବିଡ଼ l
ଅନ୍ଧାର ଦୂରେଇ ଆଲୋକ ଦେଖାଉ
ଏଇ ଆମ ପରିଚୟ,
ସଦା ଜଳୁଥିବୁ ହୃଦୟରେ ମୋର
ନାହିଁ ତୋର କିଛି ଭୟ l
ସଭିଙ୍କ ହୃଦୟ ଜିତିବାକୁ ପରା
ଆମେ ହୋଇଛେ ଜନମ,
ଅମାରାତି ସବୁ ଆଲୋକେ ଭରିବେ
ଏଇ ଆମର କରମ l
ଏକା ଏକା କାର ପରିଚୟ ନାହିଁ
ଦୁହେଁ ତ ଦୁହିଁଙ୍କ ସାଥି,
ସଦା ଲାଗିଥାଉ ସମ୍ପର୍କ ମଧୁର
ତୁମର ମୋର ଯେପରି ପ୍ରୀତି l
ଦୁହିଁଙ୍କ ବିନା ଯେ ସମ୍ପର୍କ ଅଧୁରା
ଏହି ବାର୍ତ୍ତା ଦେବା କହି,
ଏ ଧରା ବାସୀଙ୍କୁ ଚେତାଇ ଦେବା ଯେ
ହୃଦୟେ ପ୍ରେମର ଭାବନା ବହି l