ମା ବୀଣାପାଣି
ମା ବୀଣାପାଣି
ନମସ୍ତେ ମା ବୀଣାପାଣି ଜଗତ ଜନନୀ,
ଜ୍ଞାନଦାତ୍ରୀ ବୁଦ୍ଧିଦାତ୍ରୀ ତ୍ରୈଲୋକ୍ୟ ମୋହିନୀ l
କାବ୍ୟକଳା ଠାକୁରାଣୀ ମା ଲୋ ଶୁଭ୍ର ଵଦନୀ,
କରୁଣାମୟୀ ମା ତୁ ଲୋ ଭାରି ସ୍ୱାଭିମାନୀ l
ତୋ ଦୟାରୁ ମହାମୂର୍ଖ ପାଏ କବି ପଦ,
ତୋ ଶିରିରେ ଅଛି ପରା ଜ୍ଞାନର ଜଗତ l
ମରାଳବାହିନୀ ତୁ ଗୋ ଅଟୁ ବୁଦ୍ଧିଦତ୍ତ,
ସାହସ ଭରିଦେ ହୃଦୟେ କହୁଥିବି ସତ l
ତଵ ପୁତ୍ର କାଳିଦାସ ଥିଲା ଗଣ୍ଡ ମୂର୍ଖ,
ଆଶୀର୍ବାଦ ଦେଇ ତାକୁ କରାଇଲ ଖ୍ୟାତ l
ତୁମ କୃପା ଦୃଷ୍ଟି ମା ଗୋ ପଡ଼ୁ ମୋ ଜୀବନେ,
କରୁଥିବି କାବ୍ୟ ସୃଷ୍ଟି ରହିଥିବି ଭୁବନେ l