ମା ଆସିବେ
ମା ଆସିବେ
ପାଖେଇ ପାଖେଇ ଆସେ ଉଆଁସ l
ମା କାଳୀ କରିବେ ଧରାରେ ପ୍ରବେଶ ll
ଖୁସିରେ ନାଚିଲେଣି ଧରଣୀ ଓ ଆକାଶ l
ସବୁରି ମୁହଁରେ ଦିଶେ ହସ ହିଁ ହସ ll
କିଛି ପାଇବାର ଆଶା ତାଙ୍କଠୁ l
ବଳବତ୍ତର ହୋଇ ରହେ ଆଜିଠୁ ll
ଛୁଟି ମିଳିଯିବ କିଛି ଦିନ କାମଠୁ l
କିଛି ମଧୂର ନାହିଁ ସଂସାରେ ମା’ ଠୁ ll
ତାଙ୍କ ଠାରୁ ବଳି ନାହିଁ ଅଭୟ ଆଶ୍ରୟ l
ଦେଖିଦେଲେ ତାଙ୍କୁ ଦୂର ହୁଏ ସବୁ ସଂଶୟ ll
ନିଶ୍ଚେ ପୋଛିଦେବେ କାହା ଆଖିର ଲୁହ l
ଛାତି ତଳେ ଜମି ଥିବା ଯୁଗ ଯୁଗର କୋହ ll
ତାଙ୍କ କରୁଣା ହାତର ପରଶ ପାଇ l
କେତେ ମୂର୍ଛାହତ ଯିବେ ଜାଗ୍ରତ ହୋଇ ll
ଦୟାର ପଣତ କାନି ତାଙ୍କ ପ୍ରସାରୀ ଦେଇ l
ଇସାରାରେ କହିବେ ମୁଁ ଅଛି ତୋ ପାଇଁ ll
ହାତ ଗଣତିରେ ଦିନ ସରୁଛି l
ମଙ୍ଗଳ ଆଳତୀ ଦୂରୁ ଶୁଭୁଚି ll
ଆନନ୍ଦ ଲହରୀ ଛୁଟି ଚାଲିଛି l
ଶୁଭି ଯାଏ କାନେ ମା ଆସୁଛି ମୋ ମା ଆସୁଛି ll