କେତେ ମିଥ୍ୟା କେତେ ସତ୍ୟ

ପାପୀଙ୍କ ତାଲିକାରେ ମୋ ନାମ ଦେଖି,

ସେଦିନ ପଡିଥିଲି ମୁଁହିଁ ଚମକି l

କେତେବେଳେ କଲି ମୁଁ ଏତେ ପାପ !

ଏବେ ଅନୁତାପ କରିବିକି କରିବି ପଶ୍ଚାତାପ !

ସେ ପାଇଁ କି ଅଛନ୍ତି ଟିକେ କ୍ରୋଧିତ l

ମୋ ଉପରେ ସେଇ ଜଗତ ନାଥ ll

ପ୍ରାର୍ଥନା କରିଥିଲି ତ ଦେଖେଇବାକୁ ସୁପଥ l

କଢାଇନେଲେ କିଏ କେତେବେଳେ ଦେଖାଇ ଅବାଟ ll

ବଞ୍ଚିବା ପାଇଁ ଏ ବିଚିତ୍ର ସଂସାରେ l

ସଂଘର୍ଷ କରିଛି ଅନେକ ପ୍ରକାରେ ll

ପାପ ପୂଣ୍ୟ କିଛି ଚିନ୍ତା ନକରି l

ଆଗ ପଛ କଥା କିଛି ନ ବିଚାରି ll

ନିତି ଧାଇଁ ଚାଲେ କଣ୍ଟା ଝଣ୍ଟାକୁ ମାଡି l

କେତେଥର ପଡିଛି ବି ତଳେ ହୋଇ କଚାଡି ll

ମୁକ୍ତି ପାଇବା ପାଇଁ ସେ ଅସହ୍ୟ କଷ୍ଟରୁ l

ହୁଏତ ଅଜାଣତେ ଦେଇଛି କିଛି ପାପ କରି ll

ଅବା ସୁକର୍ମ ଅପକର୍ମର ପ୍ରଭେଦ ନଜାଣି ପାରି l

ଅଜ୍ଞାତରେ ମନ ଇଛା ଯାହା ସବୁ କରି ଚାଲିଥିଲିll

ହୁଏତ ତୁମ ଦୃଷ୍ଟିରେ ତାହା ପାପ ହିଁ ଥିଲା l

ସେ ପାଇଁ ପାପୀ ତାଲିକାରେ ନାମ ଚଢେଇଦେଲ ll

ଏବେ ତ ଉପାୟ ଆଉ ମୋର କିଛି ନାହିଁ l

କ୍ଷମା ମାଗିବା ବ୍ୟତିତ କିଛି କରି ନପାରେ ମୁହିଁ ll

ସର୍ବ ମୁଖୁ ଶୁଣିଥିବା ତୁମ ଦୟାଳୁ ନାମ l

ଜାଣେ ମୁକ୍ତି ଦେବା ପାଇଁ କେବେ ହେବ ନାହିଁ ଅକ୍ଷମll