କିଛି ମୁହୂର୍ତ୍ତର ସାଥୀ

ନା ଅର୍ପଣରେ ନା ସମର୍ପଣରେ,

କେଉଁଠି ରହିଗଲା ଦୋଷ ମୋହର l

ଥରେ କହିଦେଲେ ରୋକାନ୍ତି ନାହିଁ ଆଉ ପଥ ତୁମର,

ତୁମ ନିଜ ଇଚ୍ଛାରେ ବଞ୍ଚିବାର ଅଧିକାର ଅଛି ତୁମରl

ବାନ୍ଧି ହୋଇ ଅନିଚ୍ଛାକୃତ ବନ୍ଧନରେ ରହିବାକୁ,

କେବେ କରିବିନି ଅନୁରୋଧ ଆଉ ଭବିଷ୍ୟତରେ l

ହେଲେ ଜାଣିବାକୁ ଚାହେଁ ଏତିକି ମାତର,

କଣ ଆଉ କରିଥିଲେ ମନ କିଣି ପାରିଥାନ୍ତି ତୁମରl

ମନ ଦର୍ପଣରେ ଯେବେ ଦେଖେ ନିଜକୁ,

ପାଏନା ଖୋଜି ଅପରାଧନୀୟ କିଛି ସ୍ଵାକ୍ଷର l

ଭାଗ୍ୟକୁ ଦୋଷ ଦେଇ ଏତେ ଶୀଘ୍ର ଓହୋରି ଯିବାକୁ,

ମନ ଚାହେଁନା ଏ ସଂପର୍କ ଡୋରୀରୁ କେବେବି l

ତେଣୁ ପଚାରିବାକୁ ଆଜି ଦୁଃସାହାସ କରୁଛି,

ଅପେକ୍ଷା କରୁଛି ମଧ୍ୟ କିଛି ସମୀଚୀନ ଉତ୍ତରର l