ଲୁହ

  

ଯଦି ମର୍ମାହତ କରୁଛି ନିସଙ୍ଗତା

ନୀରବ ତୁମେ ଯଦି ଅନେକ ନିରବତା ଭିତରେ

ଭରିଉଠୁଛି ଯଦି ଆଖି,

ନିରବତା ଯଦି ତୁମକୁ ଗୋଡ଼ାଉଥାଏ

କୋଳାହଳ ଶବ୍ଦରେ ଯଦି ଵ୍ୟସ୍ତ ଆଉ ବିଚଳିତ 

ତେବେ ବହିବାକୁ ଦିଅନ୍ତୁ

ସେସବୁ ଅଲୋଡା ଲୁହଙ୍କୁ ,

କୁହନ୍ତୁ କୋହଙ୍କୁ ବି 

ସବୁ ଅସହ୍ୟ ହେଲେଣି 

ଲୁହ ହୋଇ ଯାଉ !!

ହସକୁ କୁହନ୍ତୁ ଟିକେ ବାହାରେ 

ବୁଲି ଆସନ୍ତୁ

ଓଠଙ୍କୁ କୁହନ୍ତୁ ,

କିଛି ସମୟ ଚୁପ ରହୁ,

ଲୁହ ବହୁଛି ତ ବହି ଯାଉ !!

ପଣତ କାନିକୁ ରାଣ

ଓଦା ହୋଇଗଲାଣି ବୋଲି ଆଜି

ନ କହୁ ପବନକୁ,

ପବନ କହିଛି ଶୁଖେଇ ଦେବ

ଆଖିରୁ ଖସିଲେ ସେ ଲୁହ !!

ଯିଏ ଅଲୋଡା,

ସେ ଯାଉ

ଯିଏ ଆସିବ,

ସେ ଆସୁ,

ଯିଏ ରହିବ 

ସେ ରହୁ !!