ଲୋକ ହସା

ଦମ୍ଭଦର୍ପ , ଗର୍ବ , ଅଭିମାନ ଘେନି ଜନ

ଲୋକ ହସା ହୋଇ ଥାନ୍ତି ନିତି ପ୍ରତିକ୍ଷଣ ।

ମିଥ୍ୟାର ଚ।ତୁରୀ ଅଜବ ଅଟଇ ଭ।ରି

ହାସ୍ୟାସ୍ପଦ ତାହା ହେତୁ ହୋଇ ଥାନ୍ତି ପ୍ରାଣୀ ।

ପ୍ରକୃତି ର ବିକୃତି ରେ ଯାହା ଘଟି ଥାଏ

ଲୋକ ହସା ହୋଇ ତାହା ବିଦୃପିତ ହୁଏ ।

ଶ୍ୱାନ ଘୋଟକ ହେବାକୁ ଉଦ୍ୟମ କରିଲେ

କି ଅବା ଲାଞ୍ଜ ସଲଖି ବଳଦ ଚାଲିଲେ ।

ଥଟା ମଜା ହସ ରସ ଭାସ, କେଳି କର୍ମ

ଘେନି କାହିଁ କେହି କହ ଲଭିଛି ସୁନାମ ।

ସବୁ ଠାରେ ଲୋକ ହସା ତାର ଶ୍ରେୟକର

ଲୋକ ରୁଚି ଘେନି ବିଧି, ବିଧାନ ଭଣ୍ଡାର ।

ବିଧି, ବିଧାନ ଭଙ୍ଗ ରେ ହୁଏ ଲୋକ ହସା

ବିଧ। ତା - ବିଧାନ , କେହୁ କରିଛି ଅନ୍ୟଥା ?