Library
Profile
ଲଳନା
ଲଳନା
ଲୁଚାଛପା ଖେଳ ନୁହେଁ ତୋ ଜୀବନ
ଲୁଚିଲୁଚି କାନ୍ଦିବାକୁ ନୁହେଁ ତୋ ଜନ୍ମ
ଲହଡି ପରି ତୋ ଗତି ଉର୍ଦ୍ଧକୁ ଗମନ
ଲକ୍ଷ୍ୟହୀନ ନୁହେଁ ମନ ସାହସ ପୂର୍ଣ୍ଣ
ଲକ୍ଷଣରେ ନଲାଗୁ କଳଙ୍କର ଚି଼ହ୍ନ
ଲୌହ ସମ ଟାଣ ପୁଣି ତୁ ପାଷାଣ
ଲାଳସା ନୁହଁ ହୃଦୟ କୋମଳ ନରମ
ଲୋଭ କରିବୁନି ନିଜେ ତୁ କାଞ୍ଚନ
ଲୁକ୍କାୟିତ ତୋର ଅନେକ ଗୁଣ
ଲଜ୍ଜ୍ୟା ଅଟଇ ଏକା ତୋହରି ଭୂଷଣ
ଲାଠି ତୋହର ଅଟେ ସ୍ନେହ ପ୍ରେମ
ଲତାଟିଏ ନୁହଁ ତୁ ଅଟୁ ଯେ ଅନନ୍ୟ
ଲଇଁଯିବୁ ସିନା ଭାଙ୍ଗିବୁନି ଟାଣ ପଣ
ଲୁଟି ନଯାଉ ଇଜ୍ଜତ ନହେଉ ଦୁଷ୍କର୍ମ
ଲୁହ ନଆସୁ କେବେ ତୋହରି ନୟନ
ଲେ
ସି ଦିଏ ମୁଖେ ତୋ ମଧୁର ବଚନ
ଲାଗିନଯାଉ ମଥାରେ ନିନ୍ଦା ଅପମାନ
ଲୁଣ୍ଠନ କରିନେ ସମାଜୁ ଦୋଷଦୁର୍ଗୁଣ
ଲକ୍ଷ୍ମୀବାଇ ତୁ ବାନ୍ଧି ପିଠିରେ ସନ୍ତାନ
ଲଙ୍କାର ଅସୁର ସବୁ କରିବୁ ନିଧନ
ଲକ୍ଷେହୀରା ତୁ କିଏ ତୋର ସମ
ଲାବଣ୍ୟବତୀ ରୂପ ତୁ ପରା ମହାନ
ଲାଜୁକୀ ମଉନାବତୀ ତୋହର ଗୁଣ
ଲମ୍ପଟି ମାନଙ୍କୁ କରିବୁ ଦମନ
ଲଙ୍ଘିପାରିବୁ ନଦୀ ପାହାଡ଼ ଅରଣ୍ୟ
ଲଙ୍ଘିବୁନି ସୀମା ନକାନ୍ଦନ୍ତୁ ଗୁରୁଜନ
ଲମ୍ବିଯାଉ ସ୍ନେହ ଖୁସି ହୁଅନ୍ତୁ ସାନ
ଲୋଟିଯାଉ ମଥା ପ୍ରଭୂ ଶ୍ରୀଚରଣ
ଲାଳନପାଳନ ତୋ ହାତେ ଅର୍ପଣ
ଲଳନା ଗୋ ତୋତେ କୋଟି ପ୍ରଣାମ ।
