ଲାଇବ୍ରେରୀ
ପ୍ରୋଫାଇଲ୍
ଲକ୍ଷ୍ମୀଙ୍କ ବିଷାଦ
ଲକ୍ଷ୍ମୀଙ୍କ ବିଷାଦ
1 min
344
ଶୁଣଲୋ ବିଶାଖା ବରଦା ଲଳିତା
ଆସୁଛନ୍ତି ପ୍ରଭୁ ଜଗତ କରତା
ଦୁଆର କିଳଲୋ ଯାଇ
ରହିଥାନ୍ତୁ ପ୍ରଭୁ ସେ ସିଂହ ଦୁଆରେ
ଦେଉଳରେ କାର୍ଯ୍ୟ ନାହିଁ
ସଖି ଲୋ ଦୁଆର କିଳଲୋ ଯାଇ ।0।
ଛାଡ଼ିଗଲେ ମୋତେ ନେଲେ ନାହିଁ ସାଥେ
ଭାଇ ଭଉଣୀଙ୍କୁ ନେଲେ ପୁଣି ରଥେ
କି ଦୋଷ କରିଲି ମୁହିଁ
ହାତ ଧରିଥିଲି କି ସୁଖ ପାଇଲି
ଅପବାଦ ସୀମା ନାହିଁ
ସଖି ଲୋ ଦୁଆର କିଳଲୋ ଯାଇ ।୧।
ନଅ ବର୍ଷ ସମ ଲାଗେ ନଅ ଦିନ
ଘଡିଏ ଅନ୍ତର ହେଲେ ମୋ ନୟନ
ଅନ୍ଧୁଣି ପ୍ରାୟ ଦିଶଇ
କେମିତି କେଜାଣି କାହା ପ୍ରେମେ ପୁଣି
ମନୁ ଭୁଲିଲେ ଗୋସାଇଁ
ସଖି ଲୋ ଦୁଆର କିଳଲୋ ଯାଇ ।୨।
ଆଣିଥାନ୍ତୁ ସାଥେ ପାଟ ଓ ଖଣ୍ଡୁଆ
ଦାମିକା ଦରବ ମନ ମତାଣିଆ
ରସଗୋଲା ଭାରେ ନେଇ
ଭାବିଛ କି ମନ ବଦଳିବ ଧନ
ଯେତେ ଦୁଃଖ ଦେଲ ରହି
ସଖି ଲୋ ଦୁଆର କିଳଲୋ ଯାଇ ।୩।
