ଲାଇବ୍ରେରୀ
ପ୍ରୋଫାଇଲ୍
ଲୀଳାମୟ ଠାକୁର
ଲୀଳାମୟ ଠାକୁର
1 min
225
ନୀଳ କନ୍ଦରରେ କାଳିଆ ଠାକୁର
ନୀରବରେ ବସି କରୁଛୁ ଲୀଳା
ତୋର ଆଦିଅନ୍ତ ସର୍ବେ ଅଗୋଚର
ତୋ ଆଶିଷେ ଚାଲେ ସଂସାର ଭେଳା I
ସଂସାର ନାବର ନାଉରୀ ତୁ ଏକା
ତୋ ଇଛାରେ ଚାଲେ ଜୀବନ ତରୀ
ଦୟାହେଲେ ତୋର ସହଜେ ସହଜେ
ସଂସାର ସାଗର କରିବୁ ପାରି I
ଭକତ ଭାବରେ ବନ୍ଧା ଭାବଗ୍ରାହୀ
ଜଗତ ଲୋଡୁଛି ତୋ ଦରଶନ
ଭକତ ଡାକୁଛି ବିକଳରେ ତୋତେ
ଉଦବେଳିତ ହୁଏ ତାର ପରାଣ I
ବଡ ଅଜବ ଏ କଳିର ପ୍ରକୋପ
ରତ୍ନ ସିଂହାସନେ ଜଗତ ନାଥ
ଏକେଲା କିପରି ଶାନ୍ତିରେ ବସିଛୁ
ବଳି ପଡିଲାଣି ସଂସାର ଦୁଃଖ I
ସଂସାର ମଞ୍ଚରେ ଅଭିନେତା ଆମେ
ଆଜି ଅଛୁ କାଲି ନଥିବୁ କେହି
ଖୁସିରେ ଥାଆ ତୁ କାଳିଆ ସାଆନ୍ତ
ତୋ କୃପା ନେତ୍ରରେ ରହିିଥା ଚାହିଁ I
