ସୁନାର ଭାରତ ଗଢିବା

ଆମର ଦେଶଟା ବଡ଼ ଚମତ୍କାର    

 ଉପରେ ଉପରେ ଠିକ ଚାଲିଛି

ସତ କଥାଟିଏ କହିବାକୁ ଗଲେ

ତଳରେ ତଳରେ କାମ ହେଉଛି   

ଉପର ରାସ୍ତାରେ କଛପ ଗତି

ପହଞ୍ଚି ପାରିବା ପ୍ରଶ୍ନବାଚକ

ତଳର ରାସ୍ତାଟା ଘୋଡା ଦୌଡ଼

ପହଞ୍ଚିବା ପାଇଁ ନାହିଁ ବାଧକ   

ଠିକ ରାସ୍ତାରେ ଯଦି ଯିବ ତୁମେ

ପହଞ୍ଚିବା ପାଇଁ କଷ୍ଟ ହେଉଛି

ଅବାଟକୁ ଯଦି ତୁମେ ବାଛିନିଅ

ଅତି ସହଜରେ ମିଳିଯାଉଛି    

ମନ୍ତ୍ରୀ ଯନ୍ତ୍ରୀ ତନ୍ତ୍ରୀ ଆମର ଦେଶର

ତଳରେ ତଳରେ ଦଉଡୁଛନ୍ତି

ଉପରେ ଉପରେ ଜନତା ଦଉଡି

ଭକୁଆ ଭଳିଆ ଅନଉ ଛନ୍ତି    

ତଳ ରାସ୍ତା ଯଦି ବନ୍ଦ ହେବନି

ଆମର ଭାରତ ବର୍ଷରେ

ଆମରି ଦେଶ ଆଗେ ବଢ଼ିବନି

ପହଞ୍ଚିବ ନାହିଁ ଶୀର୍ଷରେ   

ଆସ ଭାଇମାନେ ଶପଥ କରିବା

ତଳ ରାସ୍ତାଟିକୁ ଭାଙ୍ଗିବା

ତଳ ରାସ୍ତାକୁ ଖିନ ଭିନ କରି

ସୁନାର ଭାରତ ଗଢ଼ିବା