ଲୀଳାମୟ ଜଗନ୍ନାଥ

ତୁମେ ହିଁ ସମସ୍ୟା ତୁମେ ସମାଧାନ

ତୁମେ ଭକତ ଜନର ବନ୍ଧୁ ମହାନ ।

ରଚିଲ ନାଟକ ହୋଇ କଳାକାର

ତୁମେ ରଥ ପଥ ତୁମେହିଁ ଈଶ୍ବର ।

କୋଟିକୋଟି ମନେ ତୁମ ପାଇଁ ଲୁହ

କ୍ଷଣିକ ମନରେ ଦେଲ କେତେ ସଂଶୟ ।

ସାରା ବିଶ୍ୱରେ ଆସିଛି କରୋନାର ଭୟ

କେମିତି ହୋଇବ ଯାତ ମନଟା ଅଥୟ ।

ଓଡ଼ିଶା ରାଇଜ ହେଲା ସର୍ବଦୁଃଖମୟ

ଗଡ଼ିବନି ରଥତିନି କହିଲେ ନ୍ୟାୟାଳୟ ।

ପର ମୁହୁର୍ତ୍ତଟି ଆନନ୍ଦ ଆଣିଲା ସମୟ

ହଟିଲା ଆଶଙ୍କା ହେଲା ଭକତ ବିଜୟ ।

ଅକ୍ଷୟ ପୂଣ୍ୟ ଜଗତେ ଧର୍ମର ଜୟ

ହେ ଶ୍ରୀଜଗନ୍ନାଥ ତୁମେ ଲୀଳାମୟ ।