ଲଗାମ

ସୁନା ସକାଳଟିଏ ଅପେକ୍ଷା କରିଛି

ସୁନ୍ଦର ପୃଥିବୀ ହାତଠାରି ଡାକୁଛି

ତୁମେ ହେବ ଅଦ୍ଵିତୀୟ

ହୃଦୟ ଖୋଲି ବୋଲ ଜୟ ଜୟ।

ଆସୁ ଯେତେ ଝଡ଼ ଆସୁ ବା ସୁନାମୀ

ଚାଲିବ ଚାଲିବ ନ ପଡିବ ଝୁଣ୍ଟି

ଜିଣ ସଭିଙ୍କର ମନ

ତାରା ଗଣେ ହୋଇ ପୁନିଅଁ ଜହ୍ନ।

ଥିଲେ ବି କହିବେ ଗଲେ ବି କହିବେ

ଯେ ଯେତେ ଆସିବେ ଆସି ଯାଉଥିବେ

ନଇଁବ ସଭିଙ୍କ ମଥା

ପଢ଼ି ଜାଣି ତୁମରି ଅମର ଜୀବନ ଗାଥା।

ମନ ଗୋଟେ ପ୍ରଜାପତି ଉଡିବା ପ୍ରବୃତ୍ତି

ମାନେ ନାହିଁ ପ୍ରଜ୍ଞା ମାନେନା ଜାଗୃତି

ଲଗାମ ଥିଲେ ହାତେ

ସ୍ୱର୍ଗ ମିଳିଯାଏ ଏଇ ଆମରି ମର୍ତ୍ତେ।