ଲଗାଇବା ଗଛ ଜାତିକିଜାତି

ମିଳିମିଶି ଆମେ କାମ କରିବା ,

ତାହାହେଲେ ଯାଇ ଶୀଘ୍ର ସାରିବା ।

କହୁଥିଲେ ଅଜା ବୁଝାଇକରି ,

ଗଛମାନେ ସବୁ ମିତ ଆମରି ।

ଅମ୍ଳଜାନ ଆମେ ତା'ଠାରୁ ପାଉ ,

ଯାହାକୁ ସଭିଏଁ ଶ୍ଵାସରେ ନେଉ ।

ଖାଇବା,ପିନ୍ଧିବା,ରହିବା ଘର,

ଗଛ ସବୁଥିରେ ଲାଗେ ଆମର ।

ଜାଳ କାଠ ଆଉ ଖଲି-ଚୌପତି ,

ଝୁଣା, ଲାଖ,ମହୁ ମିଳେ ଏମିତି ।

ଆସବାବପତ୍ର ହୁଏ ତିଆରି ,

ଗଛ ପରି ମିତ୍ର କିଏ ଆମରି !!

ଚାଲ ମିଳିମିଶି ଖୋଳିବା ମାଟି ,

ଲଗାଇବା ଗଛ ଜାତିକିଜାତି ।

ଆମ୍ବ,ଜାମୁ,ଲିଚୁ,ପିଜୁଳି-ତାଳ ,

ପଣସ,ଅର୍ଜୁନ,ମହୁଲ, ଶାଳ ।

ଶିଶୁ,ଶାଗୁଆନ, ଶିମୁଳି-ନିମ୍ବ ,

ଆତ, ଓସ୍ତ,ବର,ବେଲ-ଡାଳିମ୍ବ ।

ଏବେ ଠାରୁ ଯଦି ପୋତିବା ଗଛ ,

ପରିବେଶ ଆମ ହୋଇବ ସ୍ୱଚ୍ଛ ।

ଆମ ସଭିଙ୍କର କଲ୍ୟାଣ ହେବ ,

ଋତୁଚକ୍ର ନିୟମିତ ହୋଇବ ।